Ustaad Bhagat Singh: ఉస్తాద్ భగత్ సింగ్ క్లైమాక్స్ షూటింగ్ పూర్తి..!
Ustaad Bhagat Singh: పవర్ స్టార్ పవన్ కళ్యాణ్ – డైరెక్టర్ హరీష్ శంకర్ కాంబోలో వస్తున్న భారీ బడ్జెట్ చిత్రం ‘ఉస్తాద్ భగత్ సింగ్’ నుంచి క్రేజీ అప్డేట్ వచ్చింది. ఈ చిత్రంలో కీలకమైన క్లైమాక్స్ షూటింగ్ విజయవంతంగా పూర్తి అయినట్లు చిత్ర నిర్మాణ సంస్థ సోషల్ మీడియా వేదికగా వెల్లడించింది. దీంతో పాటు పవన్ కళ్యాణ్ క్రేజీ లుక్ను అందించింది.
గతంలో ‘గబ్బర్ సింగ్’ వంటి బ్లాక్బస్టర్ అందించిన పవన్ కళ్యాణ్-హరీష్ శంకర్ కాంబినేషన్, ‘ఉస్తాద్ భగత్ సింగ్’పై భారీ అంచనాలను నెలకొల్పింది. ముఖ్యంగా ‘గబ్బర్ సింగ్’ తర్వాత ఈ ఇద్దరి కలయికలో వస్తున్న సినిమా కావడంతో, ప్రేక్షకులు ఎంతగానో ఎదురుచూస్తున్నారు. రాజకీయాల్లో తనదైన ముద్ర వేసుకున్న పవన్ కళ్యాణ్, తన సినిమా కమిట్మెంట్లకు కూడా తగిన సమయం కేటాయిస్తూ వస్తున్నారు. ఇప్పటికే ‘హరిహర వీరమల్లు’ సినిమా విడుదల కాగా, వచ్చే నెలలో ‘ఓజీ’ ప్రేక్షకుల ముందుకు రానుంది. ఇప్పుడు ‘ఉస్తాద్ భగత్ సింగ్’ షూటింగ్ కూడా పూర్తి కావడంతో అభిమానులు ఆనందం వ్యక్తం చేస్తున్నారు.
భారీ యాక్షన్, భావోద్వేగాల మేళవింపు
ఈ సినిమా అత్యంత కీలకమైన క్లైమాక్స్ సన్నివేశాలను ఇటీవల చిత్రీకరించారు. దర్శకుడు హరీష్ శంకర్ ఈ సన్నివేశాన్ని భావోద్వేగాలు, పవర్ఫుల్ యాక్షన్తో తెరకెక్కించినట్లు తెలుస్తోంది. ప్రఖ్యాత యాక్షన్ కొరియోగ్రాఫర్ నబకాంత మాస్టర్ నేతృత్వంలో ఈ సన్నివేశాలు రూపుదిద్దుకున్నాయి. పవన్ కళ్యాణ్ పవర్ఫుల్ నటన, నబకాంత మాస్టర్ కొరియోగ్రఫీ కలగలిసి ప్రేక్షకులను ఉత్కంఠకు గురిచేయడం ఖాయమని చిత్ర బృందం ధీమా వ్యక్తం చేస్తోంది.
https://x.com/MythriOfficial/status/1950038372035989578
ఈ చిత్రంలో పవన్ కళ్యాణ్ సరసన శ్రీలీల, రాశీ ఖన్నా కథానాయికలుగా నటిస్తున్నట్లు తెలుస్తోంది. పార్థిబన్, కె.ఎస్. రవికుమార్, రాంకీ, నవాబ్ షా, ‘కేజీఎఫ్’ ఫేమ్ అవినాష్, నాగ మహేష్, ‘టెంపర్’ వంశీ వంటి ప్రముఖ నటులు ఇతర ప్రధాన పాత్రల్లో కనిపించనున్నారు. రాక్స్టార్ దేవిశ్రీ ప్రసాద్ అందించిన సంగీతం సినిమాకు మరో హైలైట్ కానుంది. పవన్ కళ్యాణ్ స్టైల్, హరీష్ శంకర్ విజన్, దేవిశ్రీ ప్రసాద్ సంగీతం మరోసారి సినీ అభిమానులను అలరించడం ఖాయమని ఫ్యాన్స్ నమ్ముతున్నారు.