Akira Nandan: పవర్స్టార్ ‘OG’ బ్లాక్బస్టర్ సక్సెస్: అఖీరా నందన్ ఎందుకు నటించలేదో క్లారిటీ ఇచ్చిన యువ నటుడు!
Akira Nandan: పవర్ స్టార్ పవన్ కళ్యాణ్ నటించిన తాజా యాక్షన్ చిత్రం ‘OG (They Call Him OG)’ బాక్సాఫీస్ వద్ద రికార్డులు సృష్టిస్తోంది. దర్శకుడు సుజీత్ రూపొందించిన ఈ సినిమా, విడుదలైన మొదటి వీకెండ్లోనే ప్రపంచవ్యాప్తంగా రూ.255 కోట్లకు పైగా వసూలు చేసి పవన్ కెరీర్లోనే అత్యంత వేగంగా రూ.250 కోట్ల మార్కును దాటిన చిత్రంగా నిలిచింది. పవన్ కళ్యాణ్ను గ్యాంగ్స్టర్ పాత్రలో చూసిన అభిమానులు, ఆయన నటనపై ప్రశంసలు కురిపించారు.
అయితే, సినిమా విడుదలకు ముందు అభిమానుల్లో ఉన్న ఒక అంచనా నిరాశకు గురిచేసింది. పవన్ కళ్యాణ్ చిన్ననాటి పాత్రలో ఆయన కుమారుడు అకిరా నందన్ నటిస్తారని ఊహాగానాలు వచ్చినా, సినిమాలో ఆయన కనిపించలేదు. దీంతో అభిమానులు అకిరా పాత్ర గురించి చర్చించుకోవడం మొదలుపెట్టారు. ఈ అంశంపై స్పష్టత ఇస్తూ, యువ నటుడు ఆకాష్ శ్రీనివాస్ ఒక ప్రకటన చేశారు.
‘OG’ చిత్రంలో పవన్ యంగ్ వెర్షన్లో నటించిన ఆకాష్ శ్రీనివాస్ మాట్లాడుతూ, “అకిరా నందన్ ఆ పాత్రను చేస్తే బాగుంటుందని చాలా మంది అనుకున్నారు. కానీ, ఆయన ఎత్తు ఎక్కువగా ఉండడం వల్ల దర్శకుడు సుజీత్ అందుకు అనుకూలంగా లేదని భావించారు. పవన్ కళ్యాణ్ గారు, నా పాత్రల మధ్య కంటిన్యుటీ దెబ్బతింటుందని ఆయన నిర్ణయించుకున్నారు. అందుకే నాకు ఆ పాత్రను ఆఫర్ చేశారు” అని ఆకాష్ వివరించారు.
ఈ చిత్రంలో పవన్ కళ్యాణ్ సరసన హీరోయిన్గా ప్రియాంక మోహన్ నటించగా, ఇమ్రాన్ హష్మీ విలన్ పాత్రలో మెప్పించారు. ప్రకాశ్ రాజ్, శ్రియా రెడ్డి, హర్షవర్ధన్ కీలక పాత్రలు పోషించారు. సినిమా విజయంలో సంగీత దర్శకుడు ఎస్. థమన్ ముఖ్య పాత్ర పోషించారు. ఆయన మాస్ బీట్స్, బ్యాక్గ్రౌండ్ మ్యూజిక్ సినిమాకు పెద్ద ప్లస్ పాయింట్ అయ్యాయి. ఈ ఘన విజయాన్ని పురస్కరించుకుని చిత్ర యూనిట్ అక్టోబర్ 1న సాయంత్రం 6 గంటలకు సక్సెస్ సెలబ్రేషన్స్ నిర్వహించనుంది.