OG Movie: బాక్సాఫీస్ను షేక్ చేసిన పవన్ కళ్యాణ్ ‘ఓజీ’: ₹315 కోట్లు గ్రాస్ వసూళ్లు
OG Movie: పవర్ స్టార్ పవన్ కళ్యాణ్ అభిమానులకు పూనకాలు తెప్పించిన ‘ఓజీ’ చిత్రం బాక్సాఫీస్ వద్ద తన ఆధిపత్యాన్ని కొనసాగిస్తోంది. విడుదలైన 17 రోజుల ప్రదర్శనను విజయవంతంగా పూర్తి చేసుకున్న ఈ గ్యాంగ్స్టర్ డ్రామా ప్రపంచవ్యాప్తంగా భారీ కలెక్షన్లతో దూసుకుపోతోంది. ట్రేడ్ వర్గాల తాజా అంచనాల ప్రకారం, ‘ఓజీ’ ఇప్పటివరకు ప్రపంచవ్యాప్తంగా దాదాపు రూ. 315 కోట్ల గ్రాస్ వసూళ్లను రాబట్టింది. థియేట్రికల్ షేర్ సుమారు రూ. 180 కోట్ల మార్కును దాటినట్లు సమాచారం.
ఈ సినిమా 17వ రోజున కూడా బలమైన ప్రదర్శనను కొనసాగిస్తూ, సుమారు రూ.1.25 కోట్లు వసూలు చేయడం విశేషం. దర్శకుడు సుజీత్ మేకింగ్, పవన్ కళ్యాణ్ పవర్ఫుల్ స్క్రీన్ ప్రెజెన్స్, థమన్ అందించిన మాస్ మ్యూజిక్ ఈ సినిమా విజయానికి కీలక హైలైట్గా నిలిచాయి. పవన్ సరసన ప్రియాంక మోహన్ నటించగా, బాలీవుడ్ నటుడు ఇమ్రాన్ హష్మి విలన్గా తెలుగు ప్రేక్షకులకు పరిచయమయ్యాడు.
నిర్మాత డి.వి.వి. దానయ్య నిర్మించిన ఈ చిత్రం విడుదలకు ముందే రికార్డు స్థాయి బిజినెస్ చేసింది. ప్రీరిలీజ్ థియేట్రికల్ బిజినెస్ రూ.175 కోట్లు కాగా, నాన్-థియేట్రికల్ హక్కులు (నెట్ఫ్లిక్స్ హక్కులు రూ.81 కోట్లు, ఆడియో రూ.18 కోట్లు సహా) రూ.99 కోట్లకు విక్రయించబడ్డాయి. దీంతో విడుదల కంటే ముందే సినిమా దాదాపు రూ.272 కోట్ల బిజినెస్ చేసింది. ఈ సినిమా నిర్మాణ బడ్జెట్ రూ.250 కోట్లుగా ఉండగా, నిర్మాత దానయ్య భారీ లాభాలను ఆర్జించినట్లు ఇండస్ట్రీ టాక్.
‘ఓజీ’ చిత్రం ఓవరాల్గా ఇండస్ట్రీ హిట్గా, ఈ ఏడాది తెలుగులో అత్యధిక వసూళ్లు సాధించిన చిత్రంగా నిలిచింది. నైజాంలో (రూ.54 కోట్ల బిజినెస్పై), ఓవర్సీస్లో (రూ.17.5 కోట్ల బిజినెస్పై) కూడా మంచి లాభాలను ఆర్జించింది. మొత్తంగా పవన్ కళ్యాణ్ మాస్ క్రేజ్కు ‘ఓజీ’ మరోసారి నిదర్శనంగా నిలిచింది.