Chiru Tilak Varma: ‘మన శంకర వరప్రసాద్ గారు’ సెట్‌లో క్రికెటర్ తిలక్ వర్మకు చిరు సన్మానం..
Chiru Tilak Varma: తెలుగు సినిమా అగ్రనాయకుడు, మెగాస్టార్ చిరంజీవి తన రాబోయే చిత్రం ‘మన శంకర వరప్రసాద్ గారు’ షూటింగ్ సెట్‌లో భారత క్రికెట్ యువ సంచలనం తిలక్ వర్మకు ఘన సన్మానం చేశారు. అనిల్ రావిపూడి దర్శకత్వంలో రూపుదిద్దుకుంటున్న ఈ సినిమా చిత్రీకరణ హైదరాబాద్‌లో వేగంగా సాగుతోంది. ఈ సందర్బంగా, ఇటీవల సెట్‌కు విచ్చేసిన తిలక్ వర్మను చిరంజీవి ఆత్మీయంగా ఆహ్వానించారు.
యూత్ స్టార్, ఎమర్జింగ్ క్రికెటర్ తిలక్ వర్మ అద్భుత ప్రతిభను, ముఖ్యంగా అంతర్జాతీయ వేదికలపై ఒత్తిడిలో ప్రశాంతంగా ఆడిన తీరును చిరంజీవి ప్రత్యేకంగా అభినందించారు. ముఖ్యంగా, ఇటీవల జరిగిన ఆసియా కప్ ఫైనల్‌లో పాకిస్థాన్‌పై భారత జట్టు విజయంలో తిలక్ వర్మ కీలక పాత్ర పోషించిన సంగతి తెలిసిందే. ఆ కీలక మ్యాచ్‌లో ఆయన ప్రదర్శించిన అద్భుతమైన ఇన్నింగ్స్‌ను చిరంజీవి కొనియాడారు. క్రీడాకారులకు నిరంతర కృషి, క్రమశిక్షణ ఎంత ముఖ్యమో ఈ సందర్భంగా గుర్తు చేశారు.
“కృషి, క్రమశిక్షణ కేవలం క్రీడలోనే కాకుండా, జీవితంలో ఉన్నత శిఖరాలను అధిరోహించడానికి మార్గదర్శకాలుగా నిలుస్తాయి” అని చిరంజీవి ఈ సందర్భంగా పేర్కొన్నారు. ఆసియా కప్ ఫైనల్ మ్యాచ్‌లోని తిలక్ వర్మ అత్యుత్తమ ప్రదర్శన ఫొటోను ఫ్రేమ్ చేయించి, జ్ఞాపికగా ఆయనకు మెగాస్టార్ అందించారు.
ఈ అపూర్వమైన సన్మాన కార్యక్రమం ‘మన శంకర వరప్రసాద్ గారు’ చిత్ర బృంద సభ్యులు అనిల్ రావిపూడి (దర్శకుడు), నయనతార, కేథరిన్ థ్రెసా (హీరోయిన్స్), సుస్మిత కొణిదెల, సాహు గారపాటి (నిర్మాతలు) సమక్షంలో జరిగింది. చిత్ర యూనిట్ సభ్యులు కూడా యువ క్రికెటర్‌కు అభినందనలు తెలిపారు. ఈ కార్యక్రమంలోని ఫోటోలు, వీడియోలను చిత్ర నిర్మాణ సంస్థ సామాజిక మాధ్యమాల్లో పంచుకోవడంతో అవి క్షణాల్లో వైరల్ అయ్యాయి. మెగాస్టార్ నుండి అభినందనలు అందుకోవడంతో తిలక్ వర్మ కూడా ఆనందం వ్యక్తం చేశారు. మెగాస్టార్ ఆశీస్సులు, అభినందనలు తిలక్ వర్మకు మరింత ఉత్సాహాన్ని ఇస్తాయని క్రికెట్, సినీ అభిమానులు అభిప్రాయపడుతున్నారు.
చిరంజీవి తిలక్ వర్మ, మన శంకర వరప్రసాద్ గారు, ఆసియా కప్ హీరో తిలక్, అనిల్ రావిపూడి చిరంజీవి సినిమా, మెగాస్టార్ తిలక్ వర్మ సన్మానం, క్రికెట్ కృషి క్రమశిక్షణ, Chiranjeevi Tilak Varma, Mana Shankara Varaprasad, Asia Cup hero Tilak, Anil Ravipudi Chiranjeevi movie, Megastar Tilak Varma tribute, Cricket hard work and discipline