Vishnu Priya: చలికాలంలో చెమటలు పట్టిస్తున్న విష్ణుప్రియ అందాల ఫొటోలు
Vishnu Priya: తెలుగు బుల్లితెరపై గ్లామర్, జోష్ఫుల్ యాంకరింగ్తో ఎప్పుడూ హాట్ టాపిక్గా ఉండే విష్ణుప్రియ, తన వ్యక్తిగత జీవితంలోని అత్యంత సున్నితమైన అంశాలను బహిరంగంగా పంచుకుని సంచలనం సృష్టించారు. తాజాగా యాంకర్ వర్ష హోస్ట్ చేస్తున్న ‘కిసిక్ టాక్ షో’లో అతిథిగా పాల్గొన్న విష్ణుప్రియ, తన జీవితంలో జరిగిన ప్రేమ విఫలాలను, వాటి నుంచి ఎలా బయటపడిందీ ఎమోషనల్గా వివరించారు.
సాధారణంగా మోడ్రన్ లుక్స్లో కనిపించే విష్ణుప్రియ, ఈ ఇంటర్వ్యూలో సాంప్రదాయ దుస్తుల్లో కనిపించి అందరి దృష్టిని ఆకర్షించారు. వర్ష అడిగిన ప్రశ్నలకు నిజాయితీగా సమాధానమిచ్చే క్రమంలో ఆమె భావోద్వేగానికి లోనయ్యారు. తన ప్రేమ జీవితం గురించి మాట్లాడుతూ, “నాకు 33 ఏళ్లు. ఈ వయసు వరకు మూడు బ్రేకప్లు జరిగాయి. కానీ, వాటిలో రెండో బ్రేకప్ మాత్రం నా జీవితంలో పెద్ద షాక్. ఆ బాధ నుంచి బయటపడడానికి నాకు దాదాపు మూడు సంవత్సరాలు పట్టింది” అని చెప్పి ప్రేక్షకులను ఆశ్చర్యపరిచారు.
ఆ కఠిన సమయంలో తాను మానసికంగా చాలా బలహీనంగా మారానని, ఆ బాధను మర్చిపోయేందుకు కాశీ యాత్ర చేశానని విష్ణుప్రియ వెల్లడించారు. అక్కడి ఆధ్యాత్మిక వాతావరణం, శాంతి తనకు నన్ను తాను తిరిగి కనుగొనేందుకు అవకాశం ఇచ్చిందని, ఆ కష్టకాలమే తనను మరింత బలమైన వ్యక్తిగా మార్చిందని ఆమె వివరించారు.
డిప్రెషన్ గురించి మాట్లాడుతూ.. “మన విలువను మనమే తెలుసుకోవాలి. ఇతరులు చేసిన తప్పుకు మనల్ని మనమే బాధించుకోవడం పెద్ద తప్పు” అని విష్ణుప్రియ సందేశమిచ్చారు. ఆ సమయంలోనే తాను మెడిటేషన్ ప్రారంభించానని, అది తన ఆలోచనలు, శ్వాసపై నియంత్రణ ఇచ్చి, ఆత్మవిశ్వాసాన్ని పెంచిందని ఆమె పేర్కొన్నారు. “నా బ్రేకప్లు నాకు శాపం కాదు, ఆశీర్వాదం. అవే నన్ను మెచ్యూర్డ్గా మార్చాయి” అని విష్ణుప్రియ చెప్పిన మాటలు యువతకు స్ఫూర్తినిచ్చేలా ఉన్నాయి.
ఒకవైపు, ఈ ఇంటర్వ్యూలో ఆమె వ్యక్తిగత విషయాలు వైరల్ అవుతుండగా, మరోవైపు విష్ణుప్రియ తాజాగా షేర్ చేసిన హాట్ ఫోటోషూట్ పిక్స్ కూడా సోషల్ మీడియాలో హీట్ పెంచుతున్నాయి. మోడ్రన్ అవుట్ఫిట్లో ఆమె గ్లామరస్ లుక్స్ అభిమానులను ఆకట్టుకుంటున్నాయి.