మూత్ర విసర్జన సమయంలో భరించలేనంత దుర్వాసన రావడం.. చాలామంది కామన్ గా ఫేస్ చేసే మూత్ర సమస్యల్లో ఇదీ ఒకటి. ఈ సమస్య గురించి ఎవరికీ చెప్పుకోలేక, ఎలా నివారించుకోవాలో తెలియక తెగ సతమతమవుతుంటారు. అయితే యూరిన్ స్మెల్ రావడానికి కారణాలు అనేకం. యూరినరీ ట్రాక్ ఇన్ఫెక్షన్ ఏర్పడటం, మధుమేహం, ఆహారపు అలవాట్లు, శరీరానికి సరిపడా నీటిని అందించకపోవడం, కిడ్నీల్లో రాళ్లు, లివర్ వ్యాధులు, లైంగిక సంక్రమణ వ్యాధులు, పలు రకాల మందుల వాడకం, యూరిన్ ను ఎక్కువ సమయం పాటు ఆపుకోవడం ఇలా ఎన్నెన్నో కారణాల వల్ల యూరిన్ స్మెల్ వస్తూ ఉంటుంది.
Also Read: రోజూ ఓ అరగంట వాకింగ్ చేస్తే మన బాడీలో ఏం జరుగుతుందో తెలుసా..!?
అయితే ఈ సమస్యకు నివారణ మార్గాలు కూడా చాలానే ఉన్నాయి. ముఖ్యంగా కొన్ని కొన్ని ఆహారాల ద్వారా ఈ సమస్యను సులభంగా నివారించుకోవచ్చు. అవేంటే.. మూత్ర దుర్వాసనను తగ్గించడంలో మజ్జిగ ఎంతగానో సహాయపడుతుంది. రోజుకు రెండుసార్లు గ్లాస్ మజ్జిగలో ఒక స్పూన్ ఉల్లిపాయ పేస్ట్ కలిపి తాగితే మంచి ఫలితం ఉంటుంది. అలాగే క్రాన్ బెర్రీ పండ్లను తీసుకోవడం లేదా వాటితో తయారు చేసిన జ్యూస్ ను తరచూ తీసుకోవడం చేయాలి.
Also Read: విటమిన్ డి లోపం రాకూడదంటే ఎండలో ఎంతసేపు ఉండాలో తెలుసా..!?
లెమన్ అండ్ హనీ వాటర్ సైతం ఈ సమస్యకు అద్భుతమైన పరిష్కారంగా చెప్పుకోవచ్చు. రోజు ఉదయం పరగడుపున ఒక గ్లాస్ గోరు వెచ్చని నీటితో లెమన్ జ్యూస్, హనీ మిక్స్ చేసి సేవిస్తే.. యూరినరీ ట్రాక్ట్ లో ఏర్పడిన బ్యాక్టీరియల్ మరియు ఫంగల్ ఇన్ఫెక్షన్స్ నాశనం అవుతాయి. దీంతో యూరిన్ దుర్వాసన రాకుండా ఉంటుంది. ఇక వీటితో పాటు వాటర్ ఎక్కువగా తీసుకోవాలి. సిట్రస్ ఫ్రూట్స్, పసుపు, ఆలివ్ ఆయిల్, హెర్బల్ టీలు వంటివి తీసుకోవడం ద్వారా కూడా ఈ సమస్యను నివారించుకోవచ్చు.