Manasa Varanasi: మనసు దోచేసిన మానస వారణాసి.. ముద్దొచ్చేస్తున్న క్యూట్ లుక్స్
Manasa Varanasi: 2020 ఫెమినా మిస్ ఇండియా కిరీటాన్ని గెలుచుకున్న తెలంగాణకు చెందిన మోడల్ మానస వారణాసి. దేవకీ నందన వాసుదేవ చిత్రంతో సినిమా ఇండస్ట్రీలోకి కూడా అడుగుపెట్టేసింది ఈ బ్యూటీ క్వీన్. ‘దేవకీ నందన వాసుదేవ’ చిత్రంతో తెలుగు తెరకు పరిచయమైన మానస, తన సినీ ప్రయాణం గురించి కూడా పంచుకున్నారు. మహేష్ బాబు మేనల్లుడు గల్లా అశోక్ హీరోగా నటించిన ఈ చిత్రం మంచి హైప్తో విడుదలైంది.
అయితే అది ఆశించినంత విజయం సాధించలేకపోయింది. ఈ కారణంగానే మానస తెలుగు ప్రేక్షకులకు అంతగా పరిచయం కాలేకపోయారు. హైదరాబాద్లో పుట్టి, మలేషియాలో స్కూలింగ్ పూర్తి చేసి, హైదరాబాద్లోనే ఇంజినీరింగ్ చదివి, కార్పొరేట్ ఉద్యోగం చేశానని ఆమె తెలిపారు. మిస్ ఇండియా విజయం తర్వాత, మిస్ వరల్డ్ పోటీల్లో ఇండియా తరపున ప్రాతినిధ్యం వహించానని, ఆ తర్వాతనే సినిమా రంగంపై ఆసక్తి పెరిగిందని వివరించారు మానస వారణాసి.
అంతకుముందు ఒక ఇంటర్వ్యూలో పాల్గొన్న మానస వారణాసి.. తన అందం గురించి మాట్లాడుతూ, మన సాంప్రదాయ ఆహారం, సహజసిద్ధమైన సౌందర్య సాధనాల విలువ అమూల్యమైనదని పేర్కొన్నారు. అయితే, ఆధునిక పోకడలకు అనుగుణంగా కొన్ని చికిత్సలు అవసరమని, హైడ్రో ఫేషియల్ వంటి అధునాతన చికిత్సలు తనకు ఇష్టమని ఆమె తెలిపారు. శరీరానికి అవసరమైన నీటిని తీసుకోవడం చర్మాన్ని హైడ్రేటెడ్గా ఉంచి, మలినాలను తొలగిస్తుందని, తద్వారా చర్మం కాంతివంతంగా, తాజాగా మారుతుందని చెప్పారు. చల్లటి నీటితో ముఖాన్ని కడగడం వల్ల రక్త ప్రసరణ మెరుగుపడి, చర్మం ఆరోగ్యంగా ఉంటుంది.
హైడ్రో ఫేషియల్ అంటే ఏమిటి?
హైడ్రో ఫేషియల్ అనేది ఒక ప్రొఫెషనల్, మల్టీ-స్టెప్ స్కిన్కేర్ ట్రీట్మెంట్. ఇది ముఖంపై పేరుకున్న మురికిని, మలినాలను తొలగించి, చర్మాన్ని డీప్గా క్లీన్ చేసి, హైడ్రేట్ చేస్తుంది. ఈ ట్రీట్మెంట్ మూడు దశల్లో జరుగుతుంది. మొదట, చర్మాన్ని శుభ్రం చేసి, చనిపోయిన కణాలను (డెడ్ స్కిన్ సెల్స్) తొలగిస్తారు. రెండో దశలో, ఒక ప్రత్యేకమైన వాక్యూమ్ టూల్ ఉపయోగించి చర్మ రంధ్రాలలో పేరుకున్న మురికి, జిడ్డు, బ్లాక్హెడ్స్ను బయటకు తీస్తారు. చివరి దశలో, చర్మానికి అవసరమైన సీరమ్లు, యాంటీఆక్సిడెంట్లు, మాయిశ్చరైజర్లను లోపలికి పంపిస్తారు.