Madonna Sebastian: సింపుల్ శారీలో మత్తెక్కించే అందాల మడోన్నా..!
Madonna Sebastian: తన నటనతో తెలుగు, తమిళ, మలయాళ ప్రేక్షకులకు చేరువైన నటి మడోన్నా సెబాస్టియన్ తన తాజా ఫొటోషూట్తో ఇంటర్నెట్ను షేక్ చేస్తున్నారు. లేత ఊదా రంగు కాటన్ చీర, బ్రొకేడ్ బ్లౌజ్లో ఆమె కనిపించిన చిత్రాలు సోషల్ మీడియాలో విపరీతంగా షేర్ అవుతున్నాయి.
అల్ఫోన్స్ పుత్రాన్ దర్శకత్వం వహించిన ‘ప్రేమమ్’ చిత్రంలో తన పాత్రతో అందరి దృష్టిని ఆకర్షించిన మడోన్నా, ఆ తర్వాత తమిళం, తెలుగు చిత్రాల్లో కూడా తనకంటూ ఒక ప్రత్యేక స్థానాన్ని ఏర్పరచుకున్నారు. ఇటీవల, దళపతి విజయ్ నటించిన బ్లాక్బస్టర్ చిత్రం ‘లియో’లో ఆమె పోషించిన ‘ఎలిసా దాస్’ పాత్ర కూడా ఆమెకు విపరీతమైన గుర్తింపు తెచ్చిపెట్టింది.
ప్రస్తుతం, మడోన్నా తన అద్భుతమైన ఫ్యాషన్ సెన్స్, స్టైలిష్ ఫొటోషూట్లతో అభిమానులను ఆకట్టుకుంటున్నారు. ఆమె తాజాగా పంచుకున్న ఈ చిత్రాలు అభిమానులను ఎంతగానో అలరిస్తున్నాయి. సింపుల్, కానీ క్లాసీగా ఉన్న ఆమె చీరకట్టు అభిమానుల నుంచి, ఫ్యాషన్ ప్రియుల నుంచి ప్రశంసలు అందుకుంటోంది.
సోషల్ మీడియాలో ఎప్పుడూ యాక్టివ్గా ఉండే మడోన్నా, తన సినిమా విశేషాలతో పాటు వ్యక్తిగత జీవితం, ఫ్యాషన్ అప్డేట్స్ను కూడా పంచుకుంటూ ఉంటారు. ఆమె తాజా ఫొటోషూట్, తను ఎప్పుడూ ఫ్యాషన్లో కొత్త ట్రెండ్స్ను ఫాలో అవుతారని మరోసారి రుజువు చేసింది. ‘ప్రేమమ్’ నుంచి ‘లియో’ వరకు, మడోన్నా ప్రతి చిత్రంలో తన నటనతో ప్రయోగాలు చేస్తూనే, బయట కూడా తన స్టైల్తో అభిమానులను అలరిస్తూనే ఉన్నారు.
ప్రముఖ నటి మడోన్నా సెబాస్టియన్ లోకేశ్ కనగరాజ్ విస్తృతమైన లోకేశ్ సినిమాటిక్ యూనివర్స్ (LCU)లోకి మళ్లీ అడుగుపెట్టే అవకాశం ఉందని వార్తలు వినిపిస్తున్నాయి. బక్కీరాజ్ కన్నన్ దర్శకత్వంలో రూపొందుతున్న యాక్షన్ థ్రిల్లర్ ‘బెన్స్’ చిత్రంలో ఆమె ఒక కీలక పాత్ర పోషించనున్నారని సమాచారం. ఈ చిత్రంలో రాఘవ లారెన్స్ ప్రధాన పాత్ర పోషిస్తుండగా, నివిన్ పౌలీ విలన్గా నటిస్తున్నారు.