Mrunal Thakur: వయ్యారంగా కూర్చుని ఫొటోలకు ఫోజులు.. మృణాల్ లేటెస్ట్ శారీ పిక్స్ చూశారా..?
Mrunal Thakur: బాలీవుడ్ నుంచి టాలీవుడ్ ప్రేక్షకులను ‘సీతారామం’ చిత్రంతో ఆకట్టుకున్న నటి మృణాల్ ఠాకూర్, వినాయక చవితి పండుగ సందర్భంగా సంప్రదాయ దుస్తుల్లో మెరిసిపోయింది. ఆమె సోషల్ మీడియాలో పంచుకున్న ఫోటోలు ఇప్పుడు సోషల్ మీడియాలో వైరల్ అవుతున్నాయి. దక్షిణాది, ఉత్తరాది చిత్రాల్లో ఒకేసారి నటిస్తూ బిజీగా ఉన్నప్పటికీ, పండుగను మృణాల్ ప్రత్యేకంగా జరుపుకున్నారు.
తనకు పండుగలు ఎంత ముఖ్యమో తెలియజేస్తూ ఆమె చీరకట్టులో ఉన్న ఫోటోలను అభిమానులతో పంచుకున్నారు. “ఈ ఏడాది వినాయక చవితిని సంప్రదాయ దుస్తుల్లో జరుపుకున్నాను. విఘ్నేశ్వరుడికి బంగారు కమలాలతో పూజలు చేశాను” అని ఆమె తన పోస్ట్‌లో పేర్కొన్నారు. జీవితంలో మరింత ప్రేమ, బలం కావాలని వినాయకుడిని కోరుకున్నానని కూడా ఆమె తెలిపారు. ఈ ఫోటోల్లో మృణాల్ ఆకర్షణీయమైన చీరకట్టులో, పండుగ వాతావరణానికి తగినట్లుగా కనిపించారు.
‘సీతారామం’ తర్వాత తెలుగులో మంచి గుర్తింపు తెచ్చుకున్న మృణాల్, ప్రస్తుతం పలు ఆసక్తికరమైన ప్రాజెక్టుల్లో భాగమయ్యారు. వాటిలో ‘AA22xA6’ అనే చిత్రం ఒకటి. ఆమె కెరీర్‌లో ఇది ఒక ముఖ్యమైన సినిమా అవుతుందని అభిమానులు భావిస్తున్నారు. దాదాపు రూ.800 కోట్ల భారీ బడ్జెట్‌తో తెరకెక్కుతున్న ఈ సినిమా హాలీవుడ్ చిత్రాలకు పనిచేసిన సాంకేతిక నిపుణులతో రూపొందుతోందని సమాచారం. టైమ్‌ ట్రావెల్, వారియర్ కాన్సెప్టులతో ఒక కొత్త ప్రపంచాన్ని ఆవిష్కరించే ప్రయత్నంలో ఈ సినిమా ప్రీ-ప్రొడక్షన్ పనులు చకచకా సాగుతున్నాయి.
విజయ్ సేతుపతి ఇందులో ప్రతినాయకుడిగా లేక శక్తివంతమైన మరో పాత్రలో కనిపించనున్నారని కోలీవుడ్‌ మీడియాలో వార్తలు వస్తున్నాయి. గతంలో అట్లీ దర్శకత్వంలో వచ్చిన షారుఖ్ ఖాన్ చిత్రం ‘జవాన్’లో విజయ్ సేతుపతి విలన్‌గా తన నట విశ్వరూపం చూపించి బాలీవుడ్ ప్రేక్షకులను మెప్పించారు. అట్లీ-విజయ్ సేతుపతి మధ్య ఉన్న స్నేహం కారణంగానే ఈ ప్రాజెక్టులో ఆయన భాగమవుతున్నారని తెలుస్తోంది.
ఈ మధ్యకాలంలో మృణాల్‌కి సంబంధించిన ఏ చిన్న అప్‌డేట్ వచ్చినా అది సోషల్ మీడియాలో ట్రెండింగ్ అవుతోంది. వినాయక చవితి ఫోటోలతో మృణాల్ మరోసారి తన అభిమానులను ఆకట్టుకున్నారు.