Kitchen Vastu Tips: ఇంటికి వచ్చిన లక్ష్మిదేవి స్థిరంగా ఉండి పోవాలంటే కొన్ని చిన్నచిన్న జాగ్రత్తలను పాటిస్తే మంచి ఫలితాలను పొందగలరు. శాస్త్రం ప్రకారం దేవుడిగది కంటే వంటగదిని శుభ్రంగా ఉంచుకోవాలట. వంటగదిని ఎలా ఉంచుకుంటే లక్ష్మీదేవి కటాక్షం కలుగుతుందో తెలుసుకుందాం.. వంటగదిని శుభ్రంగా ఉంచుకోవాలి. వంటగదిలోని పోపుల డబ్బాలో నుంచి మంచి సుగంధద్రవ్యాల వాసన వెదజల్లుతూ ఉండాలి.
పోపుల డబ్బాలోని లవంగాలు, మిరియాలు, ఆవాలు, మెంతులు, యాలకులు, జీలకర్ర, దాల్చిన చెక్క ఇలా మొదలగు ద్రవ్యాలు ఆయుర్వేద పరంగా మనకు ఆరోగ్యాన్ని కలిగిస్తాయి. పోపుల డబ్బాలోని సుగంధ ద్రవ్యాలకు పురుగులు పడితే అష్టైశ్వర్యాలు కోల్పోయే ప్రమాదముంది. అలాగే ముఖ్యంగా వంటగదిలో సింక్ ను శుభ్రంగా ఉంచుకోవాలి.
అదేవిధంగా స్టవ్, స్టవ్ వెనకవైపు గోడ జిడ్డుగా అపరిశుభ్రంగా ఉండరాదు. అపరిశుభ్రంగా ఉంటే దరిద్ర దేవత అనుగ్రహం కలిగి దరిద్రం పడుతుంది. వంటగదిలో చాలామంది చేసే మరొక ముఖ్యమైన తప్పు గ్యాస్ సిలిండర్ల మీద తేదీలు రాస్తుంటారు. ఇది కూడా శాస్త్రానికి విరుద్ధం అని పెద్దలు చెబుతారు. ఇలా గ్యాస్ సిలిండర్లపై తేదీ రాయడం అనేది ఐశ్వర్య క్షయం అని చెబుతారు.
Also : పీరియడ్స్ టైంలో గుడికి ఎందుకు వెళ్ళకూడదంటే..?
గ్యాస్ స్టవ్ పెట్టిన నలుమూలల దుమ్ము, ధూళి, బూజు ఉండరాదు. అలాగే ముఖ్యంగా బొద్దింకలు, చిన్న చిన్న కీటకాలు, ఎలుకలు కనిపించకూడదు. అలాగే వంట గదిలో వాడే మసిగుడ్డ జిడ్డు పట్టి అపరిశుభ్రంగా ఉండరాదు. రోజు ఉతికి శుభ్రం చేసుకోవాలి. మసిగుడ్డ అపరిశుభ్రంగా ఉంటే భార్యాభర్తల మధ్య ఎప్పుడూ గొడవలు జరుగుతాయి.
అలాగే పాడైపోయిన లైటర్లను వంటగదిలో ఉంచకూడదు. ఎంగిలి పాత్రలను సాయంత్రం చీకటి పడేలోపే కడిగేయాలి. ఉదయం వరకూ అలాగే ఉంచరాదు. ఇలా ఎంగిలి పాత్రలు ఉదయం వరకు ఉంటే దరిద్ర దేవత ఇంటిలోనే తిష్టవేస్తుంది. కనుక ఇలా చిన్న చిన్న జాగ్రత్తలను పాటిస్తూ వంటగదిని శుభ్రంగా ఉంచుకుంటే లక్ష్మీదేవి కటాక్షం కలగడంతో పాటు ఆరోగ్యంగా ఉంటారు.