74వ స్వాతంత్య్ర దినోత్సవ వేడుకలు యావత్ దేశం ఘనంగా జరుపుకుంటోంది. ఈ సందర్భంగా ఎర్రకోటపై ఏర్పాటు చేసిన మువ్వన్నెల జాతీయ జెండాను ప్రధాని నరేంద్ర మోదీ ఎగురవేశారు, వివిధ ధళాల గౌరవ వందనం స్వీకరించారు. అనంతరం ప్రధాని జాతినుద్దేశించి ఉద్వేగంగా ప్రసంగించారు… స్వాతంత్ర్య సమరయోధులకు మరియు భద్రతా దళాలకు నివాళులు అర్పించడం ద్వారా ప్రధాని తన ప్రసంగాన్ని ప్రారంభించారు, అయితే స్వాతంత్య్ర సమరయోధుడు మరియు ఆధ్యాత్మిక తత్వవేత్త అరబిందో ఘోస్ జ్ఞాపకం చేసుకున్నారు. ఆయన ప్రసంగంలోన ప్రస్తావించిన ముఖ్యమైన అంశాలు.
కరోనా పై: “కరోనా ప్రపంచాన్ని పట్టి పీడిస్తోంది. నేను ఈ రోజు (ఎర్ర కోట వద్ద) చిన్న పిల్లలను నా ముందు చూడలేను. కరోనా అందరినీ ఆపివేసింది. COVID యొక్క ఈ కాలంలో, కరోనా యోధులు ‘సేవా పరమో ధర్మం’ అనే మంత్రాన్ని నినదించారు. భారత ప్రజలకు సేవ చేశారు. వారికి నా కృతజ్ఞతలు తెలియజేస్తున్నాను. విపత్కర పరిస్థితుల్లో పనిచేస్తున్న వైద్య సిబ్బందికి ప్రణామం. వైద్యులు, నర్సులు, అంబులెన్స్ డ్రైవర్లు అందరూ కృషి చేస్తున్నారు.
కరోనా టీకాపై: నేడు మూడు టీకాలు భారతదేశంలో పరీక్ష దశలో ఉన్నాయి. శాస్త్రవేత్తలు గ్రీన్ సిగ్నల్ ఇచ్చిన వెంటనే, దేశం వారి పెద్ద ఎత్తున ఉత్పత్తిని ప్రారంభిస్తుంది.
ఆత్మనిర్భర్ భారత్ : ప్రపంచ ఆర్థిక వ్యవస్థలో భారతదేశం యొక్క వాటాను పెంచడానికి ఆయన “ఆత్మనిర్భర్ భారత్” పిలుపునిచ్చారు. ఆత్మనిర్భర్ భారత్ ప్రజలని విశేషంగా ఆకర్షించి అందరికీ “మంత్రం” గా మారిందని ప్రధాని నరేంద్ర మోడీ అన్నారు. భారతదేశం ఇంతకాలం ముడి పదార్థాలను ఎగుమతి చేసింది ఇకనుండి తుది ఉత్పత్తులను దిగుమతి చేసుకుంటోంది. మనం ప్రపంచానికి తయారీదారుగా మారటానికి సమయం వచ్చిందని , వచ్చే సంవత్సరం మనం 75వ స్వాతంత్ర వేడుకులని జరుపుకుంటామని అందుకు మనం కొత్త గోల్ సెట్ చేసుకోవాలని అన్నారు.
జమ్మూ కాశ్మీర్ , సరిహద్దు వివాదాలపై : “ఈ సంవత్సరం జమ్మూ కాశ్మీర్ అభివృద్ధి యొక్క కొత్త ప్రయాణానికి ఒక సంవత్సరం. ఈ ఏడాది జమ్మూ కాశ్మీర్‌లో మహిళలు, దళితులు పొందిన హక్కుల సంవత్సరం. ఈ ఏడాది జమ్మూ కాశ్మీర్‌లోని శరణార్థులకు గౌరవప్రదమైన జీవిత సంవత్సరం. నియంత్రణ రేఖ నుండి ఎల్‌ఐసి వరకు భారత సైన్యం తగిన సమాధానం ఇచ్చింది”
కోవిడ్ -19 మహమ్మారి నేపథ్యంలో స్వాతంత్ర్య దినోత్సవ వేడుకలకు సిద్దమైన ఎర్రకోటలో సామాజిక దూర చర్యలు మరియు బహుళ దశల భద్రతా ఏర్పాట్లు చేసారు.
