Anu Emmanuel: ఊపిరి ఆడనివ్వని అందాల విందు.. అను ఇమ్మాన్యుయేల్ గ్లామర్ షో..
Anu Emmanuel: అందమైన రూపం, అభినయ సామర్థ్యం ఉన్నప్పటికీ, కొన్నిసార్లు అదృష్టం కలిసి రాకపోతే స్టార్డమ్ అందుకోవడం కష్టం. అలాంటి పరిస్థితులనే ఎదుర్కొంటూ తెలుగు తెరపై తనదైన ముద్ర వేయడానికి ప్రయత్నిస్తున్న నటి అను ఇమ్మాన్యుయేల్. మలయాళ మూలాలు కలిగి, కలువల్లాంటి కళ్లతో తెలుగు కుర్రాళ్లను ఆకర్షించిన ఈ కేరళ బ్యూటీ కెరీర్ జర్నీ ఆసక్తికరంగా సాగింది.
అను ఇమ్మాన్యుయేల్ అమెరికాలోని డల్లాస్లో స్థిరపడిన మలయాళీ కుటుంబంలో మార్చి 28, 1997న జన్మించారు. గార్లాండ్లో చదువుకున్న అను, సైకాలజీలో డిగ్రీ చేస్తుండగానే మధ్యలో చదువు ఆపివేసి నటనపై ఉన్న మక్కువతో భారతదేశానికి తిరిగి వచ్చారు.
2016లో నివిన్ పౌలే హీరోగా నటించిన మలయాళ చిత్రం ‘యాక్షన్ హీరో బిజు’తో వెండితెరపై అడుగుపెట్టిన అను, ఆ సినిమాతో మంచి గుర్తింపు తెచ్చుకుంది. అదే ఏడాది న్యాచురల్ స్టార్ నాని సరసన ‘మజ్ను’ సినిమాతో తెలుగు ప్రేక్షకులకు పరిచయమైంది. మొదటి సినిమాతోనే ఆకట్టుకున్న అను, ఆ తర్వాత టాలీవుడ్లో దూకుడు ప్రదర్శిస్తుందని సినీ విశ్లేషకులు అంచనా వేశారు.
అయితే అను అంచనాలకు తగ్గట్టుగా కాలం కలిసి రాలేదు. ‘కిట్టు ఉన్నాడు జాగ్రత్త’, ‘ఆక్సిజన్’, త్రివిక్రమ్-పవన్ కళ్యాణ్ కాంబినేషన్లో వచ్చిన ‘అజ్ఞాతవాసి’ వంటి భారీ చిత్రాలు, అలాగే ‘నా పేరు సూర్య’, ‘శైలజా రెడ్డి అల్లుడు’, ‘అల్లుడు అదుర్స్’, ‘మహా సముద్రం’, ‘ఊర్వశివో రాక్షసివో’, ‘రావణాసుర’ వంటి వరుస చిత్రాలలో నటించినప్పటికీ, ఏవీ కూడా అనుకున్న స్థాయిలో విజయాన్ని సాధించలేకపోయాయి. దీంతో ఆమె స్టార్ హీరోయిన్ రేసులో వెనుకబడింది.
ప్రస్తుతం తన కెరీర్కు మలుపునిచ్చే పాత్ర కోసం ఎదురుచూస్తున్న అను ఇమ్మాన్యుయేల్, రాహుల్ రవీంద్రన్ దర్శకత్వంలో రష్మిక మందన్న, దీక్షిత్ శెట్టి జంటగా నటిస్తున్న ‘ది గర్ల్ఫ్రెండ్’ చిత్రంలో ముఖ్యపాత్ర పోషిస్తున్నారు. ఈ సినిమా టీజర్, ట్రైలర్లను బట్టి చూస్తే, అను ఇమ్మాన్యుయేల్ పాత్ర కథాగమనాన్ని మలుపు తిప్పే విధంగా, అత్యంత కీలకంగా ఉండబోతుందని విశ్లేషకులు అంచనా వేస్తున్నారు. ఈ సినిమా అను కెరీర్కు కొత్త ఉత్సాహాన్ని ఇస్తుందో లేదో చూడాలి.