Ananya Nagalla: మత్తెక్కించే అందాలతో అనన్య నాగళ్ల.. చూస్తే మతిపోవాల్సిందే
Ananya Nagalla: యంగ్ అండ్ టాలెంటెడ్ నటి అనన్య నాగళ్ళ ప్రస్తుతం తెలుగు చిత్ర పరిశ్రమలో దూసుకెళ్తున్నారు. సాంప్రదాయ పాత్రలతో పాటు, భిన్నమైన పాత్రలను పోషిస్తూ ఆమె ప్రేక్షకుల మనసులను గెలుచుకుంటున్నారు. ఇటీవల విడుదలైన చిత్రాలతో ఆమెకు మంచి గుర్తింపు లభించింది.
తెలంగాణలోని సత్తుపల్లిలో జన్మించిన అనన్య నాగళ్ళ, బీటెక్ పూర్తి చేసి కొంతకాలం పాటు ఇన్ఫోసిస్ లో పనిచేశారు. 2017లో ‘షాదీ’ అనే షార్ట్ ఫిల్మ్ తో ఆమె నటిగా ప్రయాణం మొదలుపెట్టారు. 2019లో వచ్చిన ‘మల్లేశం’ సినిమాతో ప్రియదర్శి సరసన హీరోయిన్‌గా వెండితెరకు పరిచయమయ్యారు. ఈ సినిమా బ్లాక్ బస్టర్ విజయం సాధించడంతో అనన్యకు వరుస అవకాశాలు లభించాయి. పవన్ కళ్యాణ్ నటించిన ‘వకీల్ సాబ్’ చిత్రంలో ఆమె పోషించిన పాత్రకు మంచి గుర్తింపు దక్కింది. ఈ సినిమా తర్వాత ఆమెకు అభిమానుల సంఖ్య కూడా బాగా పెరిగింది.
అనన్య నటనకు గాను తెలంగాణ ప్రభుత్వం నుంచి ప్రతిష్ఠాత్మకమైన గద్దర్ అవార్డును కూడా అందుకున్నారు. ఈ పురస్కారం ఆమెకు ఒక నటిగా మరింత ప్రోత్సాహాన్నిచ్చింది. రీసెంట్ గా ఆమె నటించిన ‘తంత్ర’, ‘డార్లింగ్’, ‘పొట్టెల్’, ‘శ్రీకాకుళం షేర్లాక్ హోమ్స్’ వంటి చిత్రాలు విమర్శకుల ప్రశంసలు అందుకున్నాయి.
సినిమాలతో పాటు, అనన్య సోషల్ మీడియాలో కూడా చాలా యాక్టివ్ గా ఉంటారు. ఎప్పటికప్పుడు తన లేటెస్ట్ ఫోటోలను షేర్ చేస్తూ అభిమానులను అలరిస్తుంటారు. తాజాగా శ్రావణ శుక్రవారం సందర్భంగా సాంప్రదాయ దుస్తుల్లో, ఆభరణాలతో లక్ష్మీ కళ ఉట్టిపడేలా ఆమె దిగిన ఫోటోలు నెట్టింట వైరల్ అవుతున్నాయి. అభిమానులు ఆమె ఫోటోలను విపరీతంగా షేర్ చేస్తున్నారు.
ఒక స్టార్ హీరో సరసన ఆమెకు అవకాశం వస్తే, టాలీవుడ్‌లో అనన్య నాగళ్ళ పేరు మారుమోగిపోతుందని ఆమె అభిమానులు బలంగా నమ్ముతున్నారు. ఆమె ప్రతిభకు, అందానికి తగిన గుర్తింపు లభించాలని వారు కోరుకుంటున్నారు.