యాంకర్ ప్రదీప్.. తెలుగు ప్రేక్షకులకు పెద్దగా పరిచయం అక్కర్లేదు. చిన్నచిన్న షోలతో మొదలుపెట్టి కొంచెం టచ్ లో ఉంటే చెబుతాను, సర్కార్ వంటి హిట్ షోల వరకు ఎన్నో షోలకి హోస్ట్ గా చేసిన ప్రదీప్ మాచిరాజు బుల్లితెరపై తనకంటూ ఒక ప్రత్యేక స్థానాన్ని క్రియేట్ చేసుకున్నారు. ఒకవైపు టీవీ ఇండస్ట్రీలో మాత్రమే కాక మరోవైపు సినీ ఇండస్ట్రీలో కూడా తన ప్రతిభను చాటుతూనే ఉంటారు. ప్రదీప్ మాచిరాజుకి లేడి ఫ్యాన్ ఫాలోయింగ్ కూడా ఎక్కువగానే ఉంటుంది.
అయితే మోస్ట్ ఎలిజిబుల్ బ్యాచిలర్ గా ఉన్న ప్రదీప్ ఎప్పటికప్పుడు తన పెళ్లి రూమర్స్ తో వార్తల్లో నిలుస్తూనే ఉంటాడు. కానీ తన పెళ్లికి సంబంధించిన అధికారిక ప్రకటన మాత్రం ఇప్పటిదాక రాలేదు. తాజా సమాచారం ప్రకారం ఈసారి ప్రదీప్ నిజంగానే పెళ్లి చేసుకోబోతున్నాడని వార్తలు వినిపిస్తున్నాయి. ఒక ప్రముఖ ఫ్యాషన్ డిజైనర్ నవ్య తో ప్రదీప్ ప్రేమలో ఉన్నాడని ఆమెను త్వరలోనే పెళ్లి చేసుకోబోతున్నాడని తెలుస్తోంది.
నవ్య ప్రదీప్ కి పర్సనల్ కాస్ట్యూమ్ డిజైనర్ గా పనిచేసేది. వారిద్దరి మధ్య స్నేహం ప్రేమగా మారడానికి ఎక్కువ కాలం పట్టలేదు. ఇక వీరి ప్రేమ విషయం ఇద్దరి ఇంట్లో కూడా తెలిసి వాళ్లు కూడా గ్రీన్ సిగ్నల్ ఇచ్చారట. ఇక ఇప్పుడు వీరు పెళ్లి చేసుకోవడానికి సిద్ధమవుతున్నట్లు తెలుస్తోంది. త్వరలోనే ప్రదీప్ తన పెళ్లి గురించి ప్రకటించబోతున్నట్లు విశ్వసనీయ వర్గాల సమాచారం.