Anirudh – Kaviya: న్యూయార్క్ వీధుల్లో అనిరుధ్, కావ్య మారన్.. మళ్లీ తెరపైకి ప్రేమ, పెళ్లి పుకార్లు!
Anirudh – Kaviya: కోలీవుడ్ సంగీత సంచలనం అనిరుధ్ రవిచంద్రన్, సన్రైజర్స్ హైదరాబాద్ సహ యజమానురాలు కావ్య మారన్ రిలేషన్షిప్పై సోషల్ మీడియాలో పుకార్లు మళ్లీ ఊపందుకున్నాయి. ఈ జంట ప్రేమ బంధంలో ఉన్నారంటూ గతంలోనూ పలుమార్లు వార్తలు వచ్చినప్పటికీ, తాజాగా న్యూయార్క్ వీధుల్లో వీరిద్దరూ కలిసి షికారు చేస్తున్న వీడియో ఒకటి వైరల్ కావడంతో ఈ గాసిప్స్కు మరింత బలం చేకూరింది.
ఒక అమెరికన్ యూట్యూబర్ తీసిన వీడియోలో అనుకోకుండా అనిరుధ్, కావ్య మారన్ ఇద్దరూ నడుస్తూ కనిపించారు. ఈ వీడియో సోషల్ మీడియాలో వేగంగా వ్యాపించడంతో, నెటిజన్లు “సీక్రెట్ లవర్స్ దొరికేశారు!” అంటూ కామెంట్లు పెడుతున్నారు. వీరిద్దరూ విదేశాల్లో రహస్యంగా గడుపుతున్నారనే వార్తలు ఇప్పుడు కోలీవుడ్ వర్గాల్లో హాట్ టాపిక్గా మారాయి.
కోలీవుడ్ సర్కిల్లో వినిపిస్తున్న ప్రచారం ప్రకారం, అనిరుధ్, కావ్య మారన్ జంట వచ్చే ఏడాదిలోనే వివాహ బంధంతో ఒక్కటయ్యే అవకాశం ఉందని తెలుస్తోంది. ఇరు కుటుంబాలకూ ఈ సంబంధం గురించి తెలుసునని, పెద్దల అంగీకారంతోనే వీరి పెళ్లి జరగనుందని జోరుగా చర్చ నడుస్తోంది. అయితే, ఈ వార్తలపై అనిరుధ్ టీమ్ ఇప్పటికే ఒక స్పష్టతనిచ్చింది. “వారు కేవలం మంచి స్నేహితులు మాత్రమే” అని అనిరుధ్ బృందం గతంలో పేర్కొంది. అయినప్పటికీ, ఈ వైరల్ వీడియో మళ్లీ అనుమానాలకు తావిచ్చింది.
అనిరుధ్ ప్రస్తుతం దక్షిణాదిలో నెంబర్ వన్ మ్యూజిక్ డైరెక్టర్గా కొనసాగుతున్నారు. ధనుష్ ‘3’ సినిమాతో కెరీర్ మొదలుపెట్టిన ఆయన, అనతి కాలంలోనే అగ్రస్థానానికి చేరుకున్నారు. ఒక్కో సినిమాకు దాదాపు ₹15 కోట్ల పారితోషికం అందుకుంటున్నట్లు సమాచారం. ప్రస్తుతం ఆయన దళపతి విజయ్ ‘జననాయకన్’, లోకేష్ కనగరాజ్ ‘డీసీ’, తెలుగులో నాని ‘ది ప్యారడైజ్’, ఎన్టీఆర్ ‘దేవర 2’ వంటి భారీ చిత్రాలకు సంగీతం అందిస్తున్నారు.
మరోవైపు, కావ్య మారన్ ఐపీఎల్లో సన్రైజర్స్ హైదరాబాద్ జట్టు వ్యవహారాలను చూసుకుంటూ సహ యజమానురాలిగా, చైర్మన్గా ఉన్నారు. ఐపీఎల్ మ్యాచ్ల సందర్భంగా ఆమె స్టేడియంలో కనిపించిన ప్రతిసారీ సోషల్ మీడియాలో ఆమెపై ప్రత్యేకంగా ట్రెండింగ్స్ నడుస్తుంటాయి. ఈ ప్యూర్లీ ప్రొఫెషనల్ అనుబంధం ప్రేమగా మారిందా అనే ప్రశ్నలకు, ఈ జంట ఎప్పుడు స్పందిస్తారో చూడాలి.