ఆంధ్రప్రదేశ్ లో గత ఇరవై నాలుగు గంటల్లో కొత్తగా 6,780 కోవిడ్ -19 కేసులు నమోదవగా, ఆదివారం ఉదయం నుండి 7,866 మంది రికవరీ అయ్యారు. వ్యాధి కారణంగా 82 మరణించారని రాష్ట్ర బులెటిన్ తెలిపింది.
రాష్ట్రంలో మొత్తం కేసుల సంఖ్య 296,609 కు చేరుకుంది. ఇందులో 84,777 యాక్టీవ్ కేసులు కాగా.. 209,100 రికవరీలు మరియు 2,732 మరణాలు ఉన్నాయి.
ఆదివారం ఉదయం నుంచి 24 గంటల్లో రాష్ట్రంలో 44,578 నమూనాలను పరీక్షించామని, ఇప్పటివరకు మొత్తం 29,05,521 పరీక్షలు తీసుకున్నామని రాష్ట్ర కోవిడ్ -19 కమాండ్ కంట్రోల్ రూమ్ తెలిపింది. జాతీయ సగటు 21,659 పరీక్షలతో పోలిస్తే ఆంధ్రప్రదేశ్లో ప్రతి పది లక్షల జనాభాకి 54,411 పరీక్షలు నమోదయ్యాయి.
ఇక రికవరీ రేటు చూస్తే, జాతీయ సగటు 72.51% తో పోలిస్తే రాష్ట్రం 70.50% రికవరీ రేటును నమోదు చేసింది. మరణాల రేటు కూడా జాతీయ సగటు 1.92% తో పోలిస్తే కాస్త తక్కువగా 0.92% వద్ద ఉంది.
రికవరీ రేటు ఎలా ఉన్నా, కేసుల సంఖ్య 3 లక్షలకు చేరువ కావటం ఆందోళణ చెందాల్సిన విషయం. దేశంలో లక్డౌన్ పూర్తిగా ఎత్తివేస్తే ఈ కేసుల సంఖ్య అదుపు లేకుండా పెరిగే అవకాశం ఉందని నిపుణులు అభిప్రాయ పడుతున్నారు. కాకపోతే, వారం క్రితం రోజుకి 10,000 కి పైగా కొత్త కేసులు నమోదు అవుతూ ఉండగా, ఇపుడు ఆ సంఖ్య కాస్త తగ్గటం కొంచెం ఊరట కలిగించే అంశం.