Avneet Kaur: విరాట్ కోహ్లీ లైక్‌తో రాత్రికి రాత్రే స్టార్‌గా మారిన అవ్‌నీత్ కౌర్.. ఆ లైక్‌పై నటి స్పందన ఇదే!
Avneet Kaur: ఇటీవల ఒక్కసారిగా ఫేమస్‌ అయ్యారు నటి అవ్‌నీత్‌కౌర్‌. అనుకోకుండా ఆమె పోస్ట్‌కు క్రికెట్ దిగ్గజం విరాట్ కోహ్లీ లైక్ చేయడంతో ఆమె రాత్రికి రాత్రే సోషల్ మీడియా సంచలనంగా మారింది. ఈ ఒక్క లైక్ వల్ల గంటల వ్యవధిలోనే ఆమె ఇన్‌స్టాగ్రామ్ ఫాలోవర్ల సంఖ్య రెండు మిలియన్లు పెరిగి, ఆమె పేరు మార్మోగిపోయింది.
ఈ సంఘటన కేవలం అవ్‌నీత్ ఫాలోవర్ల సంఖ్యను పెంచడమే కాకుండా, సోషల్ మీడియాలో అనేక చర్చలకు, ఊహాగానాలకు దారితీసింది. దీనిపై విరాట్ కోహ్లీ ఇప్పటికే వివరణ ఇవ్వగా, తాజాగా అవ్‌నీత్ కౌర్ తన మౌనాన్ని వీడారు. తన తాజా చిత్రం ‘లవ్ ఇన్ వియత్నాం’ ప్రమోషన్స్‌లో భాగంగా మీడియాతో మాట్లాడిన ఆమె, ఈ వ్యవహారంపై నవ్వుతూ పరోక్షంగా స్పందించారు.
“నేను ఎంతో ఆనందంగా ఉన్నాను. నెటిజన్లే కాకుండా, నా సహ నటీనటులు, ఇతర సెలబ్రిటీలు కూడా నాపై చూపిస్తున్న ప్రేమకు సంతోషంగా ఉన్నాను. ప్రేమ దొరుకుతూనే ఉండాలి.. నేను ఈ మాటకు మించి చెప్పలేను,” అంటూ ఆమె నవ్వుతూ సమాధానమిచ్చారు. ఈ మాటలు కోహ్లీ లైక్‌పై ఆమె మద్దతును సూచించాయి.
కోహ్లీ లైక్ తర్వాత అవ్‌నీత్ జీవితం పూర్తిగా మారిపోయింది. కేవలం ఫాలోవర్ల సంఖ్య మాత్రమే కాదు, ఆమె కెరీర్‌లో కూడా ఊహించని పురోగతి వచ్చింది. ఏకంగా 12 బ్రాండ్లను ప్రమోట్ చేయడానికి ఆమె సంతకం చేసినట్లు వార్తలు వచ్చాయి. మరోవైపు, ఈ సంఘటనపై విరాట్ కోహ్లీ కూడా గతంలో స్పష్టత ఇచ్చారు. ఇన్‌స్టాగ్రామ్ ఫీడ్‌ను క్లియర్ చేస్తుండగా పొరపాటున ఆ లైక్ బటన్ నొక్కిందని, దీని వెనుక ఎలాంటి ఉద్దేశం లేదని తెలిపారు. “దయచేసి అనవసరమైన ఊహాగానాలు సృష్టించవద్దు,” అని ఆయన నెటిజన్లను కోరారు.
ఈ మొత్తం వ్యవహారంపై పలువురు సినీ ప్రముఖులు, సోషల్ మీడియా నిపుణులు తమ అభిప్రాయాలను పంచుకున్నారు. ప్రజలు వాస్తవాలను తెలుసుకోకుండా, ఊహాగానాల ఆధారంగా అనవసరంగా సమయాన్ని వృథా చేస్తున్నారని అభిప్రాయపడ్డారు. సాంకేతిక లోపం వల్ల జరిగిందా, లేదా ఉద్దేశపూర్వకంగా జరిగిందా అనేది నిర్ధారించుకోకుండా ఇష్టం వచ్చినట్లు రాయడం సరికాదని వారు హెచ్చరించారు. ఈ సంఘటన సోషల్ మీడియాలో సెలబ్రిటీల జీవితాలు ఎంత సున్నితంగా ఉన్నాయో మరోసారి నిరూపించింది.