Bigg Boss 9: ‘బిగ్బాస్ 9’ లాంచ్ ప్రోమో.. ఊహకందని మార్పులతో.. మరింత ఆకట్టుకునేలా..
Bigg Boss 9: తెలుగు బుల్లితెర ప్రేక్షకులకు వినోదం పంచేందుకు అత్యంత ప్రజాదరణ పొందిన రియాలిటీ షో ‘బిగ్బాస్’ మరోసారి సిద్ధమైంది. సీజన్ 9 గ్రాండ్ లాంచ్ ఆదివారం (సెప్టెంబర్ 7) సాయంత్రం 7 గంటలకు ప్రారంభం కానుంది. ఈ ప్రారంభ వేడుక కోసం షో నిర్వహకులు అన్ని ఏర్పాట్లు పూర్తి చేశారు. ఈ సీజన్కు కూడా కింగ్ నాగార్జున హోస్ట్గా వ్యవహరిస్తున్నారు.
గత సీజన్ల కంటే ఈసారి బిగ్బాస్ కొత్తదనాన్ని ఆవిష్కరించేందుకు ప్రయత్నిస్తున్నట్లు కనిపిస్తోంది. మొదటి రోజు లాంచ్ ఎపిసోడ్ కోసం బిగ్బాస్ హౌస్ను ‘బటర్ఫ్లై’ (సీతాకోకచిలుక) థీమ్తో అందంగా అలంకరించారు. ఇక మొదటి వారం ‘ఓనర్స్ వర్సెస్ టెనెంట్స్’ అనే ఆసక్తికరమైన థీమ్తో షో కొనసాగనుంది. ఈ కొత్త కాన్సెప్ట్ షోపై అంచనాలను మరింత పెంచుతోంది.
ప్రోమోతో షాకిచ్చిన బిగ్బాస్..
షో ప్రారంభానికి కొన్ని గంటల ముందు విడుదలైన ఓ కొత్త ప్రోమో ఇప్పుడు సోషల్ మీడియాలో వైరల్ అవుతోంది. ఈ ప్రోమోలో కంటెస్టెంట్స్ను పరిచయం చేయకపోయినా, వారి వాయిస్లతో ఆకట్టుకున్నారు. ఒక కంటెస్టెంట్ హౌస్లోకి ఒక గిఫ్ట్ తీసుకురావడానికి ప్రయత్నించగా, బిగ్బాస్ దాన్ని తిరస్కరించాడు. దీంతో నాగార్జున “నువ్వు ఇంటికెళ్లిపోవచ్చు” అని చెప్పడం ప్రోమోలోనే కనిపించింది.
https://x.com/BBTeluguViews/status/1964534041203679476
ఇది చూస్తుంటే ఈసారి బిగ్బాస్ హౌస్లో కఠినమైన నిబంధనలు ఉంటాయని అర్థమవుతోంది. కేవలం సెలబ్రిటీలకే కాకుండా, ఈసారి సామాన్యులకు కూడా అవకాశం ఇచ్చారని వార్తలు వస్తున్నాయి. ఇది షోకు మరింత విభిన్నమైన టచ్ ఇస్తుందని ప్రేక్షకులు భావిస్తున్నారు. ఈ ప్రోమో ప్రేక్షకుల్లో ఉత్కంఠను రెట్టింపు చేసింది.