Rowdy Janardhan: విలన్గా మారిన రాజశేఖర్.. ‘రౌడీ జనార్దన్’ మూవీ లుక్ చూశారా?
Rowdy Janardhan: టాలీవుడ్లో ఇప్పుడు కొత్త ప్రాజెక్ట్లతో బిజీగా ఉన్న రౌడీ హీరో విజయ్ దేవరకొండ, రవి కిరణ్ కోలా దర్శకత్వంలో రానున్న ‘రౌడీ జనార్దన్’ సినిమాతో మరోసారి ప్రేక్షకుల ముందుకు రానున్నారు. ఈ సినిమాపై ఇప్పటికే భారీ అంచనాలు నెలకొనగా, తాజాగా చిత్రంలో కీలక పాత్రపై వచ్చిన అప్డేట్ సినీ వర్గాల్లో చర్చనీయాంశంగా మారింది. ఈ సినిమాలో సీనియర్ నటుడు రాజశేఖర్ ప్రతినాయకుడి పాత్ర పోషించనున్నారు.
రాజశేఖర్ పవర్ఫుల్ విలన్..
తాజా సమాచారం ప్రకారం, ‘రౌడీ జనార్దన్’ సినిమాలో ప్రధాన ఆకర్షణగా విలన్ పాత్ర నిలుస్తుంది. ఈ పాత్ర కోసం దర్శకుడు రాజశేఖర్ను ఎంచుకున్నారు. ఆయన పాత్రను మునుపెన్నడూ చూడని విధంగా, విభిన్నంగా తీర్చిదిద్దారని తెలుస్తోంది. ఇప్పటికే లుక్ టెస్ట్ కూడా పూర్తైంది. దర్శకుడు రవి కిరణ్ కోలా, రాజశేఖర్ పాత్రను శక్తివంతంగా, మైండ్బ్లోయింగ్గా రూపొందించారని సమాచారం. రాజశేఖర్ కెరీర్లోనే ఇది అత్యంత పవర్ఫుల్ విలన్ పాత్ర అవుతుందని చిత్ర యూనిట్ చెబుతోంది.
ఈ సినిమా ఒక గ్రామీణ నేపథ్యం ఉన్న యాక్షన్ డ్రామాగా రూపొందుతోంది. కథలో రాజకీయ అంశాలు కీలకంగా ఉంటాయని, విజయ్ దేవరకొండ ఎదుర్కొనే సవాళ్లను ప్రధానంగా చూపిస్తారని తెలుస్తోంది. అక్టోబర్ నుంచి ఈ సినిమా షూటింగ్ అధికారికంగా ప్రారంభం కానుంది. ప్రముఖ నిర్మాత దిల్ రాజు ఈ చిత్రాన్ని నిర్మిస్తున్నారు.
విజయ్ దేవరకొండ సరసన జాతీయ అవార్డు గ్రహీత కీర్తి సురేష్ హీరోయిన్గా నటించనుంది. తన సహజ నటన, గ్లామర్తో సినిమాకు మరింత బలం చేకూరుస్తుందని దర్శకుడు, నిర్మాతలు భావిస్తున్నారు. మొత్తానికి, విజయ్ దేవరకొండ ఎమోషనల్ యాక్షన్, రాజశేఖర్ కొత్త లుక్, కీర్తి సురేష్ నటనతో ‘రౌడీ జనార్దన్’ సినిమా ప్రేక్షకుల ముందుకు రానుంది. ఈ సినిమా 2025 చివరిలో లేదా 2026 మధ్యలో విడుదలయ్యే అవకాశం ఉంది.