టాలీవుడ్ కి ఆగస్టు నెల నూతన ఉత్సాహాన్నిచ్చింది. అదే ఊపులో సెప్టెంబర్, అక్టోబర్ లో పలు యంగ్‌ హీరోల సినిమాలు థియేటర్లలోకి వచ్చాయి. ఈవారం కూడా కొన్ని వైవిధ్యమైన సినిమాలు ఆడియెన్స్‌ ముందుకు వస్తున్నాయి. అలాగే ఓటీటీలో కూడా అనేక సినిమాలు స్ట్రీమింగ్ కి సిద్ధంగా ఉన్నాయి. ఈ వారం అమెజాన్ ప్రైమ్ వీడియో, నెట్‌ఫ్లిక్స్, జీ5, హాట్‌స్టార్, సోనీ లివ్ మరియు ఇతర ఓటీటీ ప్లాట్‌ఫారమ్‌లలోకి వచ్చే మూవీ లిస్ట్ చూద్దాం..
శర్వానంద్ నటించిన ఓకే ఒక జీవితం మూవీ ఇటీవలి కాలంలో శర్వాకి మంచి హిట్ ఇచ్చింది. ఈ చిత్రం అక్టోబర్ 20 నుండి సోనీ లివ్‌లో ప్రసారం కానుంది. ఇది ఫ్యామిలీ డ్రామా అంశాలతో కూడిన సైన్స్ ఫిక్షన్ థ్రిల్లర్. అలాగే నందమూరి కళ్యాణ్ రామ్ నటించిన బింబిసార చిత్రం బాక్సాఫీస్ బ్లాక్ బస్టర్ అయిన విషయం తెలిసిందే. ఇప్పుడు ఓటీటీ ప్రేక్షకుల కోసం అక్టోబర్ 21 నుండి జీ5లో స్ట్రీమింగ్ కానుంది.
భారీ బడ్జెట్ చిత్రం బ్రహ్మాస్త్ర అక్టోబర్ 23 నుండి డిస్నీ+ హాట్‌స్టార్‌లో స్ట్రీమింగ్ కి సిద్ధంగా ఉంది. ఇది హిందూ పురాణాల ఆధారంగా తెరకెక్కించిన ఫాంటసీ థ్రిల్లర్. అలాగే కృష్ణ వ్రింద విహారి నాగ శౌర్య ప్రధాన పాత్రలో నటించిన కామెడీ మూవీ. ఇటీవల కాలంలో క్లీన్ కామెడీగా పేరు తెచ్చుకుంది. ఈ చిత్రం ఈ నెల 23 నుంచి నెట్‌ఫ్లిక్స్‌లో స్ట్రీమింగ్‌కు అందుబాటులో ఉంటుంది.