Nani Sekhar Kammula: నాని, శేఖర్ కమ్ముల కాంబినేషన్లో కొత్త సినిమా.. హీరోయిన్ ఎవరంటే?
Nani Sekhar Kammula: టాలీవుడ్ లో తనదైన శైలిలో వైవిధ్యమైన కథాంశాలతో ప్రేక్షకులను అలరిస్తున్న దర్శకుడు శేఖర్ కమ్ముల. ఇటీవల ‘కుబేర’ చిత్రంతో భారీ విజయాన్ని అందుకుని మళ్లీ ఫామ్లోకి వచ్చారు. ఈ సినిమా బాక్సాఫీస్ వద్ద మంచి వసూళ్లను సాధించడంతో శేఖర్ కమ్ముల తదుపరి ప్రాజెక్ట్పై ఆసక్తి నెలకొంది. ఈ క్రమంలోనే, ఆయన త్వరలో నేచురల్ స్టార్ నానితో కలిసి ఓ సినిమా చేయనున్నారని వార్తలు వినిపిస్తున్నాయి.
నాని ప్రస్తుతం వైవిధ్యమైన సినిమాలతో ప్రేక్షకులను ఆకట్టుకుంటున్నారు. ప్రేమకథలు, కుటుంబ కథా చిత్రాలతో పాటు ఇటీవల ‘హిట్ 3’ వంటి డార్క్ యాక్షన్ థ్రిల్లర్లతో తన నటనా ప్రతిభను చాటుకున్నారు. ప్రస్తుతం శ్రీకాంత్ ఓదెల దర్శకత్వంలో రూపొందుతున్న ‘ది ప్యారడైజ్’ చిత్రంలో నటిస్తున్నారు. ఈ సినిమా పూర్తయిన తర్వాత శేఖర్ కమ్ముల దర్శకత్వంలో నటించనున్నారని ఫిల్మ్ సర్కిల్స్లో గుసగుసలు వినిపిస్తున్నాయి.
క్రేజీ జోడీకి తోడవుతున్న శేఖర్ కమ్ముల!
ఈ ఇద్దరి కాంబినేషన్లో సినిమా రానుందనే వార్త ఇప్పటికే అంచనాలను పెంచింది. ఈ చిత్రంలో హీరోయిన్గా సాయి పల్లవిని ఎంపిక చేయనున్నారని తెలుస్తోంది. ఇదే నిజమైతే.. నాని-సాయిపల్లవి కాంబోలో ఇది మూడవ సినిమా అవుతుంది. గతంలో వీరిద్దరూ కలిసి నటించిన ‘ఎంసీఏ’ (2017), ‘శ్యామ్ సింగరాయ్’ (2021) చిత్రాలు మంచి విజయాలు సాధించి, ఈ జోడీకి మంచి పేరు తీసుకొచ్చాయి.
త్వరలో అధికారిక ప్రకటన..
శేఖర్ కమ్ములకు సాయిపల్లవి ఫేవరెట్ హీరోయిన్. వీరిద్దరి కాంబినేషన్లో వచ్చిన ‘ఫిదా’ ఆమెకు స్టార్డమ్ తీసుకొచ్చింది. ఆ తర్వాత ‘లవ్స్టోరీ’ కూడా మంచి విజయం సాధించింది. ఇప్పుడు వీరిద్దరూ కలిసి నానితో జతకట్టడం అభిమానులను మరింత ఆకర్షిస్తుంది. సాయిపల్లవి ఇటీవల నాగచైతన్యతో కలిసి నటించిన ‘తండేల్’ చిత్రంతో బ్లాక్బస్టర్ అందుకున్నారు. ప్రస్తుతం బాలీవుడ్లో రూపొందుతున్న ‘రామాయణ’ చిత్రంలో సీత పాత్రలో నటిస్తున్నారు. ఈ భారీ ప్రాజెక్ట్లో రణ్బీర్ కపూర్ రాముడిగా, యష్ రావణుడిగా నటిస్తున్నారు. అయితే, నాని-శేఖర్ కమ్ముల ప్రాజెక్ట్పై అధికారిక ప్రకటన కోసం అభిమానులు ఆసక్తిగా ఎదురుచూస్తున్నారు.