Mass Jathara: రవితేజ ‘మాస్ జాతర’ మూవీలోని ఓలే ఓలే పాటలో బూతులు..!
Mass Jathara: మాస్ మహారాజా రవితేజ, యువ నటి శ్రీలీల జంటగా నటిస్తున్న తాజా చిత్రం ‘మాస్ జాతర’ ఇప్పుడు ఒక పాట విషయంలో తీవ్ర చర్చనీయాంశంగా మారింది. గతంలో ‘ధమాకా’ వంటి భారీ విజయాన్ని అందించిన ఈ విజయవంతమైన కాంబో, మరోసారి కలిసి పనిచేస్తున్న నేపథ్యంలో ఈ చిత్రంపై అభిమానుల్లో భారీ అంచనాలు నెలకొన్నాయి. అయితే, తాజాగా విడుదలైన రెండో పాట ‘ఓలే ఓలే’ లిరిక్స్పై సోషల్ మీడియాలో భిన్నాభిప్రాయాలు వ్యక్తమవుతున్నాయి.
భాస్కర్ యాదవ్ రచించిన ఈ పాటలో కొన్ని పదాలు అనుచితంగా ఉన్నాయని, బూతులు ధ్వనిస్తున్నాయని ఒక వర్గం ప్రేక్షకులు తీవ్ర అభ్యంతరం వ్యక్తం చేస్తున్నారు. ముఖ్యంగా, ‘నీ అమ్మని.. అక్కని..’ వంటి పదాలు వినడానికి ఎబ్బెట్టుగా ఉన్నాయని, ఇలాంటి పదాలను సినిమాల్లో వాడటం సరికాదని విమర్శిస్తున్నారు. ఈ పాటలో నీ అమ్మ.. అక్క.. తల్లి.. చెల్లిని.. పట్టుకుని.. ఉంట నీ అమ్మ కాడా, తింటా నీ అమ్మ కాడా.. నీ దగ్గర పంట.. వంటి పదాలు ఉన్నాయి. ఈ పాటలు సమాజంపై తప్పుడు ప్రభావం చూపుతాయని పలువురు నెటిజన్లు రచయితపై ఆగ్రహం వ్యక్తం చేస్తున్నారు.
మాస్ ఆడియన్స్ను దృష్టిలో ఉంచుకొని ఇలాంటి పదాలు..
అయితే, రవితేజ అభిమానులు మాత్రం దీనికి గట్టిగా కౌంటర్ ఇస్తున్నారు. మాస్ ఆడియన్స్ను దృష్టిలో ఉంచుకొని ఇలాంటి పదాలు వాడారని, వీటిని జానపదాల్లో తరచుగా ఉపయోగిస్తారని, అవి అసభ్యకరమైనవి కావని వాదిస్తున్నారు. ఈ పాటలు మాస్ ప్రేక్షకులను అలరిస్తాయని, విమర్శలు అనవసరమని అభిప్రాయపడుతున్నారు. దీంతో, సోషల్ మీడియాలో ఈ పాట గురించిన చర్చ హాట్ టాపిక్గా మారింది.
ఈ చిత్రానికి భాను భోగవరపు దర్శకత్వం వహిస్తున్నారు. సితార ఎంటర్టైన్మెంట్స్, ఫార్చూన్ ఫోర్ సినిమాస్ బ్యానర్లపై సూర్యదేవర నాగవంశీ ఈ సినిమాను నిర్మిస్తున్నారు. ‘మాస్ జాతర’ నుండి ఇప్పటికే విడుదలైన ‘తూ మేరీ లవర్’ అనే పాట సూపర్ హిట్ కావడంతో, ఈ చిత్రంపై అంచనాలు మరింత పెరిగాయి. ఇప్పుడు ‘ఓలే ఓలే’ పాటపై వచ్చిన వివాదంపై చిత్ర బృందం, రచయిత ఎలా స్పందిస్తారో వేచి చూడాలి.