OG Update: 117 మంది సంగీత కళాకారులతో తమన్ అదిరిపోయే అప్డేట్.. ఓజీ నుంచి క్రేజీ అప్డేట్
OG Update: పవర్ స్టార్ పవన్ కళ్యాణ్ అభిమానులు ఎంతగానో ఎదురుచూస్తున్న యాక్షన్ ఎంటర్టైనర్ చిత్రం ‘ఓజీ’ (OG). యువ దర్శకుడు సుజీత్ రూపొందిస్తున్న ఈ సినిమా సెప్టెంబర్ 25న ప్రపంచవ్యాప్తంగా విడుదల కానుంది. ఈ నేపథ్యంలో చిత్ర బృందం విడుదల తేదీ దగ్గర పడుతున్న కొద్దీ వరుస అప్డేట్లతో సినిమాపై హైప్ పెంచుతోంది. తాజాగా, ఈ సినిమాకు సంగీతం అందిస్తున్న ఎస్.ఎస్. తమన్ ఒక సంచలన అప్డేట్ను సోషల్ మీడియాలో పంచుకున్నారు.
117 మందితో లండన్లో రికార్డింగ్
‘ఓజీ’కి తమన్ అందిస్తున్న బ్యాక్గ్రౌండ్ మ్యూజిక్ కోసం లండన్లోని ప్రఖ్యాత స్టూడియోలో రికార్డింగ్ పనులు జరుగుతున్నాయని తమన్ ప్రకటించారు. ఈ పోస్ట్ అభిమానులందరిలో ఉత్సాహాన్ని నింపింది. ఈ బీజీఎంలో ఏకంగా 117 మంది సంగీత కళాకారులు పాల్గొంటున్నారని, వారితో కలిసి ఈ ప్రాజెక్టుపై పనిచేయడం అద్భుతంగా ఉందని తమన్ పేర్కొన్నారు. ఈ బ్యాక్గ్రౌండ్ మ్యూజిక్ చాలా గొప్పగా వచ్చిందని, అభిమానులకు సరికొత్త అనుభూతిని అందిస్తుందని ఆయన ధీమా వ్యక్తం చేశారు. తమన్ పోస్ట్తో #HungryCheetah అనే హ్యాష్ట్యాగ్ మరోసారి సోషల్ మీడియాలో ట్రెండింగ్ లోకి వచ్చింది. ఈ సినిమా కోసం ఇప్పటికే జపాన్ వాయిద్య పరికరం ‘కోటో’ను ఉపయోగించినట్లు గతంలో తమన్ వెల్లడించిన విషయం తెలిసిందే.
పవన్ గ్యాంగ్స్టర్ గా సరికొత్త పాత్రలో
‘ఓజీ’ చిత్రం గ్యాంగ్స్టర్ యాక్షన్ థ్రిల్లర్ గా రూపొందుతోంది. ఇందులో పవన్ కళ్యాణ్ ‘ఓజాస్ గంభీర’ అనే శక్తివంతమైన గ్యాంగ్స్టర్ పాత్రలో కనిపించనున్నారు. ఆయన ఇప్పటివరకు చేయనటువంటి ఒక సరికొత్త పాత్రలో కనిపించడం అభిమానులకు మరింత ఆసక్తిని కలిగిస్తోంది. పవన్ సరసన ప్రియాంక మోహన్ కథానాయికగా నటిస్తుండగా, బాలీవుడ్ నటుడు ఇమ్రాన్ హష్మీ విలన్గా కనిపించనున్నారు. శ్రియా రెడ్డి, ప్రకాష్ రాజ్, అర్జున్ దాస్ వంటి ప్రముఖ నటులు కీలక పాత్రలు పోషించారు. ప్రస్తుతం ఈ సినిమా పోస్ట్ ప్రొడక్షన్ పనులు శరవేగంగా జరుగుతున్నాయి.