Trance of OMI: ‘ఓజీ’ సినిమా నుంచి ఇమ్రాన్ హష్మీ ‘ట్రాన్స్ ఆఫ్ ఓమీ’ ఫుల్ వీడియో సాంగ్ విడుదల..
Trance of OMI: తెలుగు సినిమా రంగంలో సరికొత్త రికార్డులు సృష్టించిన బ్లాక్ బస్టర్ చిత్రం ‘ఓజీ’. పవర్ స్టార్ పవన్ కల్యాణ్ నట విశ్వరూపం, యువ దర్శకుడు సుజిత్ మేకింగ్ ప్రతిభ, బాలీవుడ్ నటుడు ఇమ్రాన్ హష్మీల పవర్ ఫుల్ పర్ఫార్మెన్స్ ఈ సినిమాను అగ్రస్థానంలో నిలబెట్టాయి. ఇటీవల విడుదలై సంచలనం సృష్టించిన ఈ యాక్షన్ ఎంటర్టైనర్ చిత్రం బాక్సాఫీస్ వద్ద 300 కోట్ల రూపాయలకు పైగా భారీ వసూళ్లను సాధించి ట్రేడ్ పండితులను సైతం ఆశ్చర్యపరిచింది.
థియేటర్లలో తమ హవాను కొనసాగించిన అనంతరం, ‘ఓజీ’ ప్రస్తుతం ఓటీటీ వేదిక నెట్ఫ్లిక్స్లో ప్రేక్షకులను అలరిస్తోంది. తెలుగుతో పాటు తమిళం, హిందీ, మలయాళం భాషల్లో స్ట్రీమింగ్ అవుతూ, ప్రపంచవ్యాప్తంగా ఉన్న సినీ అభిమానులకు చేరువవుతోంది. ఈ సందర్భంగా, సినిమా మేకర్స్ ప్రేక్షకుల ఉత్సాహాన్ని మరింత పెంచేందుకు తాజా అప్డేట్తో వచ్చారు.
‘ఓజీ’ చిత్రం నుండి ‘ట్రాన్స్ ఆఫ్ ఓమీ’ (Trance of Omi) ఫుల్ వీడియో సాంగ్ను మేకర్స్ విడుదల చేశారు. ఈ పాట చిత్రంలో విలన్ పాత్ర అయిన ‘ఓమీ భౌ’ ఎంట్రీని అద్భుతంగా చిత్రీకరిస్తుంది. అతని క్రూరమైన గ్యాంగ్స్టర్ పాత్ర తీవ్రతను హైలైట్ చేస్తుంది. సినిమాలో విలన్గా నటించిన బాలీవుడ్ స్టార్ ఇమ్రాన్ హష్మీపై ఈ పాటను చిత్రీకరించారు. ఈ పాటలో ఇమ్రాన్ హష్మీ స్టైల్, నటన అభిమానులను విశేషంగా ఆకట్టుకుంటున్నాయి.
ఈ ‘ట్రాన్స్ ఆఫ్ ఓమీ’ పాటను ఎస్.ఎస్. థమన్ తనదైన శైలిలో సంగీతంతో హోరెత్తించారు. అద్వితీయ వోజ్జల అద్భుతమైన సాహిత్యాన్ని అందించగా, ఈమెతో పాటు హర్ష దరివేముల, థమన్ఎస్ కలిసి ఈ పాటకు తమ గాత్రాన్ని అందించారు. ఈ పాట విడుదలైన కొద్దిసేపట్లోనే సోషల్ మీడియాలో వైరల్ అవుతోంది. పవన్ కల్యాణ్ అభిమానులే కాకుండా సినీ ప్రేమికులు కూడా విలన్ ఎంట్రీ పాటను చూసి మేకర్స్ మేకింగ్ విలువలను మెచ్చుకుంటున్నారు. థియేటర్లలో చూడని వారు సైతం ఈ పాట ద్వారా సినిమాపై ఆసక్తి పెంచుకుంటున్నారు.