OG Movie: థియేటర్ల రచ్చ తర్వాత ‘OG’ ఓటీటీ సందడి.. నెట్ఫ్లిక్స్లో పవన్ కల్యాణ్ పవర్ షో ఎప్పుడంటే?
OG Movie: పవర్ స్టార్ పవన్ కల్యాణ్ నటించిన మాస్ యాక్షన్ ఎంటర్టైనర్ ‘ఓజీ’ థియేటర్లలో భారీ హైప్ను అందుకుని, అంచనాలకు తగ్గట్టుగానే కలెక్షన్ల సునామీని సృష్టించింది. దర్శకుడు సుజీత్ స్టైలిష్ టేకింగ్, పవన్ కల్యాణ్ ఎనర్జిటిక్ యాక్షన్, అత్యుత్తమ సాంకేతిక విలువలు ఈ సినిమాకు ప్రధాన బలంగా నిలిచాయి. ప్రస్తుతం ఈ చిత్రం బాక్సాఫీస్ వద్ద తన ప్రయాణాన్ని దాదాపు ముగించుకునే దశలో ఉండగా, ఇప్పుడు అందరి దృష్టి డిజిటల్ ప్లాట్ఫామ్పై పడింది.
వారాంతాల్లో అద్భుతమైన వసూళ్లను సాధించిన ఈ యాక్షన్ డ్రామా, వారం మధ్యలో కొంత తగ్గుముఖం పట్టినా, ఓవరాల్గా సుమారు ₹290 కోట్ల గ్రాస్ వసూళ్లు సాధించి పవన్ కల్యాణ్ కెరీర్లో మరో భారీ మాస్ హిట్గా నిలిచింది. కంటెంట్ పరంగా కొన్ని విమర్శలు ఎదురైనప్పటికీ, పవన్ స్క్రీన్ ప్రెజెన్స్, మాస్ ఎలివేషన్ సీక్వెన్స్లు, యాక్షన్ సన్నివేశాలు ప్రేక్షకులను విపరీతంగా ఆకట్టుకున్నాయి.
ఈ చిత్రం థియేట్రికల్ బిజినెస్ ద్వారా నిర్మాత డీవీవీ దానయ్య సుమారు ₹4 కోట్ల మేర లాభాన్ని ఆర్జించారని పరిశ్రమ వర్గాల్లో చర్చ నడుస్తోంది. దీనికి తోడు, ఓటీటీ, శాటిలైట్, మ్యూజిక్ హక్కుల వంటి నాన్-థియేట్రికల్ బిజినెస్ ద్వారా కూడా నిర్మాతకు మంచి లాభాలు వచ్చాయని సమాచారం. ‘ఓజీ’ సినిమా డిజిటల్ స్ట్రీమింగ్ హక్కులను ప్రముఖ గ్లోబల్ ప్లాట్ఫామ్ నెట్ఫ్లిక్స్ భారీ ధరకు సొంతం చేసుకుంది.
ఇప్పుడు అభిమానుల్లో మొదలైన చర్చ ఏంటంటే.. థియేటర్లలో మాస్ హిస్టీరియాను సృష్టించిన ఈ చిత్రం, ఓటీటీలో కూడా అదే ప్రభావాన్ని కొనసాగిస్తుందా అని. థియేటర్లలో పవన్ ఎనర్జీ, యాక్షన్ ప్రధానాకర్షణ కాగా, ఓటీటీలో మాత్రం సినిమాలోని ఎమోషనల్ డెప్త్, క్యారెక్టర్ డెవలప్మెంట్స్ ఎంతవరకు ప్రేక్షకులను నిలబెడతాయనేది ఆసక్తికరంగా మారింది.
సాధారణంగా పెద్ద బడ్జెట్ సినిమాలు థియేట్రికల్ రిలీజ్ తర్వాత నాలుగు నుంచి ఎనిమిది వారాల వ్యవధిలో ఓటీటీలోకి వస్తుంటాయి. ఆ లెక్కన చూస్తే, ‘ఓజీ’ నవంబర్ రెండో వారంలో, అంటే దీపావళి పండుగ అనంతరం నెట్ఫ్లిక్స్లో స్ట్రీమింగ్ అయ్యే అవకాశాలు ఎక్కువగా ఉన్నాయి. థియేట్రికల్ రన్కి ఇబ్బంది కలగకుండా, కనీసం నాలుగు వారాల గ్యాప్ ఇచ్చేలా నెట్ఫ్లిక్స్తో ఒప్పందం కుదిరినట్లు సమాచారం. డిజిటల్ రిలీజ్ తర్వాత మరోసారి సోషల్ మీడియాలో ‘ఓజీ’ హవా మొదలవడం, యాక్షన్ సీక్వెన్స్లు హైలైట్ అవ్వడం ఖాయం.