Raashi Khanna: అందాల రాశీ.. చీరకట్టులో పరువాలతో కట్టిపడేస్తున్న ముద్దుగుమ్మ
Raashi Khanna: తెలుగు, తమిళ, హిందీ భాషల్లో నటిగా తనకంటూ ప్రత్యేక గుర్తింపు తెచ్చుకున్న నటి రాశీ ఖన్నా ప్రస్తుతం సినిమాలతో పాటు సోషల్ మీడియాలో కూడా చాలా యాక్టివ్‌గా ఉంటున్నారు. తాజాగా ఆమె పంచుకున్న కొన్ని ఫొటోషూట్ చిత్రాలు ఇప్పుడు నెట్టింట్లో వైరల్‌గా మారాయి. తన గ్లామర్, స్టైల్‌తో అభిమానులను ఆకట్టుకుంటూ, అందాల విందుతో అదరగొట్టారు.
‘ఊహలు గుసగుసలాడే’ చిత్రంతో తెలుగు ప్రేక్షకులకు పరిచయమైన ఈ ఢిల్లీ బ్యూటీ, ఆ తర్వాత ‘జిల్’, ‘సుప్రీమ్’, ‘జై లవ కుశ’, ‘తొలి ప్రేమ’ వంటి చిత్రాలతో మంచి ఫాలోయింగ్ సంపాదించుకున్నారు. అయితే, చివరిగా ఆమె నటించిన ‘థ్యాంక్యూ’ సినిమా ఆశించిన విజయాన్ని అందుకోలేకపోయింది. కానీ తమిళంలో ‘తిరు’, ‘సర్దార్’ వంటి చిత్రాలతో భారీ విజయాలను అందుకుని, బాలీవుడ్‌లో ‘ఫర్జీ’ అనే వెబ్‌ సిరీస్ బ్లాక్‌బస్టర్‌గా నిలిచి, దేశవ్యాప్తంగా ఆమెకు మంచి గుర్తింపు తెచ్చిపెట్టింది.
ప్రస్తుతం తెలుగులో అవకాశాలు కొంత తగ్గినప్పటికీ, రాశీ ఖన్నా సోషల్ మీడియాలో నిత్యం అభిమానులను పలకరిస్తూనే ఉన్నారు. ఆమె పంచుకున్న లేటెస్ట్ ఫొటోషూట్‌లో, చీరకట్టులో స్టైలిష్‌గా ఫోజులిచ్చారు. ఈ ఫొటోలు ఇప్పుడు యువతను విశేషంగా ఆకట్టుకుంటున్నాయి. నెటిజన్లు రాశీ అందాన్ని ప్రశంసిస్తూ కామెంట్లు పెడుతున్నారు. తన కెరీర్‌లో గ్లామర్‌తో పాటు నటనకు ప్రాధాన్యత ఇస్తూ ముందుకు సాగుతున్న రాశీ, త్వరలో ‘తెలుసు కదా’, ‘ఉస్తాద్ భగత్ సింగ్’ వంటి చిత్రాలతో ప్రేక్షకులను పలకరించనున్నారు. ఈ కొత్త ప్రాజెక్టులపై ఆమె అభిమానులు ఎంతో ఆసక్తిగా ఎదురు చూస్తున్నారు.
సినిమా షూటింగ్‌ల మధ్య సోషల్ మీడియాలో యాక్టివ్‌గా ఉంటూ, తన వ్యక్తిగత, వృత్తిపరమైన వివరాలను పంచుకునే రాశి ఖన్నా, ఈ సరికొత్త ఫోటోషూట్‌తో మరోసారి వార్తల్లో నిలిచారు. ఈ ఫోటోలు ఆమె ఫాలోవర్స్ సంఖ్యను మరింత పెంచడానికి దోహదపడ్డాయి. ప్రస్తుతం ఆమె కొన్ని తెలుగు, తమిళ ప్రాజెక్టులతో బిజీగా ఉన్నారు.