Soothravakyam: ఓటీటీలో సంచలనం సృష్టిస్తున్న ‘సూత్రవాక్యం’.. 100 మిలియన్ స్ట్రీమింగ్ మినిట్స్ వ్యూస్తో రికార్డు..
Soothravakyam: ‘దసరా’, ‘దేవర’ వంటి చిత్రాలతో తెలుగు ప్రేక్షకులకు దగ్గరైన మలయాళ నటుడు షైన్ టామ్ చాకో హీరోగా నటించిన తాజా చిత్రం ‘సూత్రవాక్యం’ ఓటీటీలో సంచలనం సృష్టిస్తోంది. జూలై 11న థియేటర్లలో విడుదలై మంచి ఆదరణ పొందిన ఈ సినిమా, ఆగస్టు 21 నుంచి అమెజాన్ ప్రైమ్ వీడియోలో స్ట్రీమింగ్ అవుతోంది. పాన్ ఇండియా భాషల్లో విడుదలైన ఈ సినిమా, తన గ్రిప్పింగ్ స్క్రీన్ప్లే, థ్రిల్లింగ్ కథనంతో ప్రేక్షకులను ఎంతగానో ఆకట్టుకుంటోంది. తాజాగా, ఈ సినిమా 100 మిలియన్ స్ట్రీమింగ్ మినిట్స్ వ్యూస్ మార్కును సాధించి రికార్డు నెలకొల్పింది.
ఈ విజయంపై చిత్రబృందం, ముఖ్యంగా అమెజాన్ ప్రైమ్ వీడియో ఆనందం వ్యక్తం చేస్తూ ప్రత్యేక పోస్టర్ను విడుదల చేసింది. ఈ సినిమాకు యూజియన్ జాస్ చిరమ్మల్ దర్శకత్వం వహించగా, దర్శకుడిగా ఆయన చూపించిన కొత్తదనం, ఫ్రెష్ స్క్రీన్ప్లే సినిమాకు ప్రధాన బలంగా నిలిచాయి. కేవలం బడ్జెట్ తక్కువగా ఉన్నప్పటికీ, కంటెంట్తో ప్రేక్షకులను ఆకట్టుకోగల సత్తా మలయాళ చిత్రాలకు ఉందని ‘సూత్రవాక్యం’ మరోసారి నిరూపించింది.
‘సూత్రవాక్యం’ కథాంశం..
పోలీస్ అధికారి అయిన క్రిస్టో జేవియర్ (షైన్ టామ్ చాకో) తన విధులతో పాటు, పోలీసు స్టేషన్లోనే పిల్లలకు పాఠాలు చెబుతుంటాడు. పోలీసులను చూసి భయపడే సంస్కృతికి స్వస్తి పలకాలని ఆయన కోరుకుంటాడు. అయితే, క్రిస్టో దగ్గర ట్యూషన్ తీసుకుంటున్న ఆర్య అనే యువతి సోదరుడు వివేక్ అనుమానాస్పదంగా మరణించడంతో కథనం మలుపు తిరుగుతుంది. ఈ కేసును ఇన్వెస్టిగేషన్ చేస్తున్నప్పుడు మరో యువతి హత్య కేసు కూడా వెలుగులోకి వస్తుంది.
ఈ రెండు హత్యల వెనుక ఎవరున్నారు, హంతకులను క్రిస్టో ఎలా పట్టుకున్నాడు అనేదే సినిమా కథాంశం. సినిమా ప్రారంభంలో కాస్త నెమ్మదిగా ఉన్నప్పటికీ, కథనం ఊపందుకున్న తర్వాత ప్రేక్షకులు ఊహించని ట్విస్టులతో థ్రిల్లింగ్ను పంచుతుంది. కేవలం 1 గంటా 52 నిమిషాల నిడివితో ఉండే ఈ సినిమా, గ్రిప్పింగ్ థ్రిల్లర్గా ఓటీటీ ప్రేక్షకులను అలరిస్తోంది.