వివాదాల నటీమణి శ్రీరెడ్డి మళ్లీ వార్తలకెక్కారు. దగ్గుబాటి రాణా వివాహం సందర్భంగా రానా బావా I Love You అంటూ నిన్న ఒక వీడియో రిలీజ్ చేశారు. రానా మంచి నటుడని తాను ఆయనకి వీరాభిమానిని అని చెప్పుకుంటూ దగ్గుబాటి కుటుంబం పై విమర్శలు చేసింది. తనకు అభిరామ్ కి పెళ్లి ఎప్పుడు చేస్తారు అంటూనే గతంలో జరిగిన వాటిని పట్టించుకునే పరిస్థితి లో తాను లేనని చెప్పింది. తనపై సోషల్ మీడియాలో దగ్గుబాటి కుటుంబం నుంచి కోట్లాది రూపాయలు తీసుకున్నట్లు ఆరోపణలు వస్తున్నాయని అవన్నీ అవాస్తవమని తేల్చిచెప్పింది. తప్పు చేసిన ఎవరైనా కాలం శిక్షిస్తుందని అంతవరకూ తాను మౌనంగా ఉంటానని చెప్పింది.
తన విషయంలో వెంకటేష్ గానీ సురేష్ బాబు గానీ బాధ్యతాయుతంగా వ్యవహరించలేదని, అభిరామ్ విషయం లో తనకు పూర్తిగా అన్యాయం చేసారని అయినా అభిరామ్ ఎక్కడున్నా సంతోషంగా ఉండాలని రానా పెళ్లి వేడుకలకి తాను దూరంగా ఉండటం దురదృష్టం అని ఆవేదన వ్యక్తం చేశారు.