Globetrotter: SSMB29 విలన్గా పృథ్వీరాజ్ ఫస్ట్ లుక్ వచ్చేసింది
Globetrotter: భారతీయ సినీ చరిత్రలో మరో రికార్డు సృష్టించడానికి సిద్ధమవుతున్న అత్యంత ప్రతిష్టాత్మక చిత్రం SSMB29. దర్శకధీరుడు ఎస్.ఎస్. రాజమౌళి, సూపర్ స్టార్ మహేష్ బాబు కాంబినేషన్లో వస్తున్న ఈ పాన్-వరల్డ్ ప్రాజెక్ట్ కోసం ప్రపంచవ్యాప్తంగా సినీ అభిమానులు ఎంతో ఉత్కంఠతో ఎదురుచూస్తున్నారు. ‘బాహుబలి’, ‘ఆర్ఆర్ఆర్’ వంటి గ్లోబల్ హిట్స్ తర్వాత రాజమౌళి చేపట్టిన ఈ గ్లోబల్ అడ్వెంచర్ థ్రిల్లర్పై ఉన్న అంచనాలను రెట్టింపు చేస్తూ, చిత్ర యూనిట్ తాజాగా ఒక మెగా అప్డేట్ను విడుదల చేసింది.
రాజమౌళి ఇచ్చిన బిగ్ ట్రీట్లో భాగంగా ఈ సినిమాలో కీలక పాత్ర పోషిస్తున్న మలయాళ స్టార్ నటుడు పృథ్వీరాజ్ సుకుమారన్ ఫస్ట్ లుక్ను చిత్ర బృందం నేడు విడుదల చేసింది. ఈ సినిమాలో పృథ్వీరాజ్ ‘కుంభ’ అనే పాత్రలో కనిపించబోతున్నారు. లుక్ను బట్టి చూస్తే, ఈ చిత్రంలో ఆయన నెగెటివ్ షేడ్స్ ఉన్న లేదా శక్తివంతమైన ప్రతినాయక పాత్ర పోషిస్తున్నట్లు తెలుస్తోంది. ‘కుంభ’ పాత్రలో పృథ్వీరాజ్ రగ్గడ్ లుక్లో అత్యంత పవర్ఫుల్గా కనిపించనున్నారు.
ఈ ఫస్ట్ లుక్ విడుదల సందర్భంగా రాజమౌళి సోషల్ మీడియాలో ఒక పోస్ట్ చేస్తూ, అభిమానుల్లో మరింత హైప్ పెంచారు. “ప్రస్తుతం సినిమాలోని మూడు ప్రధాన పాత్రలతో క్లైమాక్స్ షూటింగ్ శరవేగంగా జరుగుతోంది. మరోవైపు #GlobeTrotter ఈవెంట్ కోసం ఏర్పాట్లు జోరుగా సాగుతున్నాయి. నవంబర్ 15న జరగబోయే ఈ ఈవెంట్లో మునుపెన్నడూ చూడని అనుభూతిని మీకు అందిస్తాం. దానికంటే ముందు, మీరు మరింత ఉత్సాహంగా ఉండాలనే ఉద్దేశంతో పృథ్వీరాజ్ ఫస్ట్ లుక్ను ఈ వారంలో విడుదల చేస్తున్నాం” అని తెలిపారు. నవంబర్ 15న జరగబోయే ఈ మెగా ఈవెంట్లో సినిమా టైటిల్ లేదా మరిన్ని కీలక వివరాలు వెల్లడయ్యే అవకాశం ఉందని సినీ వర్గాలు అంచనా వేస్తున్నాయి.
మహేష్ బాబు – రాజమౌళి కాంబినేషన్లో వస్తున్న ఈ సినిమా షూటింగ్ 2026లో ప్రారంభమయ్యే అవకాశం ఉంది. దాదాపు ఏడాది కాలంగా రాజమౌళి ఈ ప్రాజెక్ట్ కోసం ప్రీ-ప్రొడక్షన్ పనుల్లో నిమగ్నమై ఉన్నారు. స్క్రిప్ట్ డెవలప్మెంట్, కాస్టింగ్, లొకేషన్ల ఫైనలైజేషన్తో పాటు, ప్రపంచస్థాయి సాంకేతిక నిపుణులను ఎంపిక చేసే విషయంలో రాజమౌళి బృందం అత్యంత జాగ్రత్తలు తీసుకుంటోంది. హాలీవుడ్ ప్రమాణాలకు ఏమాత్రం తగ్గకుండా, భారతీయ సినిమా చరిత్రలోనే ఒక కొత్త పంథాను తీసుకురావాలనే లక్ష్యంతో ఈ సినిమాను భారీ స్థాయిలో తెరకెక్కించేందుకు ప్లాన్ చేస్తున్నారు. ఈ చిత్రంలో మహేష్ బాబు ఇంతకుముందు చూడని రగ్గడ్ యాక్షన్ లుక్లో ప్రేక్షకులను అలరించనున్నారని సమాచారం. పృథ్వీరాజ్ లుక్తో ఈ ప్రాజెక్ట్ అంచనాలు అమాంతం పెరిగిపోయాయి.