Stress Solutions:ఒత్తిడికి దూరంగా ఉండాలనుకుంటున్నారా… అయితే ఇలా చేయండి
ఈరోజుల్లో చాలామంది వివిధ కారణాల వల్ల ఒత్తిడికి గురవుతున్నారు.సరైన జీవన శైలి, మంచి ఆహారపు అలవాట్లు లేకపోవడమే అంటున్నారు ఆరోగ్య నిపుణులు. అయితే డైట్ నుండి కొన్ని ఆహారాలని మినహాయించడం వల్ల ఒత్తిడి నుండి బయటపడవచ్చు అంటున్నారు.. వాటి గురించి వివరంగా తెలుసుకుందాం
చక్కెర
మీరు ఎప్పుడూ ఒత్తిడికి లోను అవుతున్నట్లయితే ముందుగా ఆహార నుంచి చక్కెరను మినహాయించండి. ఎందుకంటే తీపి పదార్థాలు మీ శక్తి స్థాయిని ప్రభావితం చేస్తాయి. శరీర అసమతుల్యతను కలిగిస్తాయి. దీనివల్ల మనిషిలో ఒత్తిడి పెరగడం మొదలవుతుంది. అందుకే డిప్రెషన్ తో బాధపడేవారు చక్కెరను ఎక్కువగా తినకూడదు.
ఆల్కహాల్
ఆల్కహాల్ కాలేయానికి మాత్రమే కాకుండా మొత్తం ఆరోగ్యానికి హాని కలిగిస్తుంది. ఆల్కహాల్ మెదడులోని సెరోటోనీన్ చర్యను మారుస్తుంది. ఇది ఆందోళనను పెంచుతుంది. అందుకే మద్యం తాగకూడదు.
కెఫిన్
కెఫిన్ కలిగిన పానీయాలు అధికంగా తీసుకోవడం వల్ల ఆందోళన,ఒత్తిడి, నిద్రలేమికి కారణమవుతాయి. కెఫిన్ అనేది కాఫీ లోనే కాదు టీ లో కూడా ఉంటుంది. అందువల్ల కాఫీ,టీ, చాక్లెట్లు మరియు కొన్ని రకాల శీతల పానీయాలలో కూడా కెఫిన్ ఉంటుంది కాబట్టి వీటిని ఎక్కువగా తీసుకోకూడదు. ఎందుకంటే వీటి వల్ల డిఫ్రెషన్ కి గురవుతారు.
ఉప్పు
ఉప్పు మానసిక స్థితిని పాడు చేస్తుంది. మీరు అలసిపోయేలా చేస్తుంది. అలాగని ఉప్పు తీసుకోవడాన్ని పూర్తిగా మానేయకూడదు. తగ్గించి తీసుకుంటే ఉత్తమం. కొందరికి మజ్జిగ అన్నంలో ఉప్పు తప్పనిసరి. ప్రాసెస్ డ్ ఫుడ్ అంటే నిల్వ ఉన్న పచ్చళ్ళు, అప్పడాలు, వడియాలలో ఉప్పు ఎక్కువుగా ఉంటుంది. అందువల్ల అలాంటివాటికి దూరంగా ఉండడం ఉత్తమం