అక్కినేని నాగార్జున నటించిన లేటెస్ట్ మూవీ ది ఘోస్ట్ దసరా కానుకగా 5న భారీ అంచనాల మధ్య రిలీజ్ అయ్యింది. ఈ సినిమాను దర్శకుడు ప్రవీణ్ సత్తారు తెరకెక్కించగా, ఈ సినిమాలో నాగ్ ఇంటర్పోల్ ఆఫీసర్ పాత్రలో కనిపించాడు.
సిస్టర్ సెంటిమెంట్ నేపథ్యంలో సాగే ఈ అవుట్ అండ్ అవుట్ హై ఓల్టేజ్ యాక్షన్ మూవీ దసరా పండగ కానుకగా ప్రేక్షకుల ముందుకు వచ్చింది.విడుదలకు ముందు రిలీజ్ చేసిన ట్రైలర్కు మూవీ లవర్స్ నుంచి మంచి రెస్పాన్స్ వచ్చింది.
అయితే చిరంజీవి గాఢ్ ఫాధర్ చిత్రంతో పోటీపడిన ఈ మూవీ మార్నింగ్ షో నుంచే డివైడ్ టాక్ తెచ్చుకుంది. ఇదిలా ఉండగా ఈ చిత్రం ఓటీటీ రిలీజ్ కు సంబంధించిన అఫీషియల్ న్యూస్ బయటకు వచ్చింది.
ది ఘోస్ట్ చిత్రానికి సంబంధించిన డిజిటల్ రైట్స్ను ప్రముఖ ఓటీటీ ప్లాట్ఫాం నెట్ఫ్లిక్స్ సొంతం చేసుకున్నట్లు తెలుస్తుంది.ఈ సినిమా రైట్స్ను భారీ మొత్తానికి నెట్ఫ్లిక్స్ కొనుగోలు చేసిందట. అయితే ఈ సినిమాకు వచ్చే రెస్పాన్స్ను బట్టి ఈ సినిమాను ఓటీటీలో స్ట్రీమింగ్ చేసేలా చిత్ర యూనిట్తో నెట్ఫ్లిక్స్ ఒప్పందం చేసుకుందట.
నాగ్ సరసన అందాల భామ సోనాల్ చౌహాన్ హీరోయిన్ గా నటించగా, గుల్ పనాగ్, మనీష్ చౌదరి, రవి వర్మ తదితరులు ఇతర ముఖ్య పాత్రల్లో నటించారు.