అల్లు అరవింద్ కుమారుడిగా గంగోత్రి సినిమాతో ఫిల్మ్ ఎంట్రీ ఇచ్చిన అల్లు అర్జున్ తక్కువ సమయంలోనే స్టార్ హీరోగా తనకంటూ ప్రత్యేక గుర్తింపును సొంతం చేసుకున్నాడు. పుష్పతో ఐకాన్‌ స్టార్‌గా మారాడు అల్లు అర్జున్. పుష్ప సినిమా విడుదల తర్వాత పాన్‌ ఇండియా స్టార్‌గా మారిపోయాడు బన్నీ. ప్రస్తుతం అల్లు అర్జున్ కి సంబంధించిన ఇంట్రెస్టింగ్ విషయం ఒకటి సోషల్ మీడియా లో ట్రెండ్ అవుతుంది. అల్లుఅర్జున్ ల‌వ్‌లో ప‌డి ఆ ల‌వ్‌ను కాస్త పెళ్లి పీట‌ల వ‌ర‌కు తీసుకెళ్లిన విషయం తెలిసిందే.
అల్లుఅర్జున్-స్నేహ‌రెడ్డిల వివాహం మార్చి 06, 2011న జ‌రిగింది. ఓవైపు సినిమాలో ఎంత బిజీగా ఉన్న త‌న కుటుంబానికి ఎంతో ప్రాముఖ్య‌తను ఇస్తాడు అల్లుఅర్జున్. ఈ అంద‌మైన జంట‌కు అల్లుఅయాన్ అల్లు అర్హ అనే ఇద్ద‌రు పిల్ల‌లు. స్నేహారెడ్డి అర్జున్ ప్రేమించి పెళ్లి చేసుకున్న విషయం తెలిసిందే. తాజాగా అల్లుఅర్జున్ మామ బన్నీపై ఆస‌క్తిక‌ర‌మైన వ్యాఖ్య‌లు చేసారు. అల్లు అర్జున్ మామ పేరు చంద్ర‌శేఖ‌ర్ ఆయన ఓ రాజ‌కీయ వేత్త.
ఆయన ఓ ఇంటర్వ్యూలో మాట్లాడుతూ బ‌న్నీకి అల్లుడిగా 100కు 100 మార్కులు వేసి ప్ర‌శంస‌ల వ‌ర్ష‌మే కురిపించారు. బ‌న్నీకి ఎంత క‌ట్నం ఇచ్చారని యాంక‌ర్ అడిగ్గా.. ఆయన న‌వ్వుతూ స‌మాధానం ఇచ్చారు. బన్నీ క‌ట్న‌మే తీసుకోలేద‌ని చెప్పారు. బ‌న్నీకి క‌ట్నం ఇచ్చేంత స్థాయి త‌మ‌కు లేద‌న్నారు. వాళ్ల‌కే ఎక్కువ ఉందంటూ అల్లుఅర్జున్ మామ చంద్ర‌శేఖ‌ర్ చెప్పుకొచ్చారు. మొత్తానికి బన్నీ క‌ట్నం తీసుకోలేదా అని అత‌ని ఫ్యాన్స్ ఆశ్చ‌ర్యంతో పాటు ఆనందం వ్య‌క్తం చేస్తున్నారు.