టాలీవుడ్ కి మెగాస్టార్ చిరంజీవి ఎవర్ గ్రీన్ సూపర్ స్టార్ అనడంలో ఎలాంటి సందేహం లేదు. ఇప్పటికీ చిరు హిట్లతో ఫ్లాప్ లతో సంబంధం లేకుండా దూసుకుపోతున్నాడు. ఇక అతిలోక సుందరి శ్రీదేవి గురించి ప్రత్యేక పరిచయం అక్కరలేదు.
బాలనటిగా వెండితెర ఎంట్రీ ఇచ్చి.. ఆ తర్వాత స్టార్ హీరోయిన్గా రాణించారు. మెగాస్టార్ చిరంజీవి, శ్రీదేవి కాంబినేషన్ అంటే అప్పట్లో ఓ క్రేజ్ ఉండేది. వీరిద్దరి కాంబినేషన్ లో అనేక సూపర్ హిట్ సినిమాలు వచ్చాయి. ఇక వీరిద్దరి కాంబినేషన్ లో ఓ బ్యూటిఫుల్ ప్రేమకథా చిత్రం మిస్ అయ్యింది.
అప్పట్లో అశోక్ కుమార్ దర్శకత్వంలో వచ్చిన ప్రేమకథా చిత్రం “అభినందన”. ఈ సినిమాకు జి.బాబు కథను అందించారు. ఇక ఈ సినిమాకు కథ రాయడంతో పాటూ జి బాబునే నిర్మించారు. అయితే కథ పూర్తయిన తరవాత ఆయన మొదట చిరంజీవి, శ్రీదేవిలతో ఈ సినిమాను చేయాలని అనుకున్నారట. సినిమా కథను శ్రీదేవికి వినిపించగా ఆమె గ్రీన్ సిగ్నల్ ఇచ్చారు.
ఆ తరవాత చిరంజీవి మేనేజర్ కు కథ చెప్పగా ఆయన ఇది ఓల్డ్ లవ్ స్టోరీ అంటూ రిజెక్ట్ చేశాడట. దీంతో ఇదే కథతో అన్వేషణ సినిమా హీరో కార్తీక్ మరియు శోభనను హీరోహీరోయిన్లుగా తెరకెక్కించారు. అలా తెరక్కించిన ఈ సినిమా సూపర్ హిట్ అవ్వడంతో పాటు క్లాసిక్ మూవీగా నిలిచింది.