Chiranjeevi: స్టైలిష్ ఫోటోషూట్తో అదరగొట్టిన మెగాస్టార్ చిరంజీవి.. మీరూ చూసేయండి
Chiranjeevi: తెలుగు చలనచిత్ర పరిశ్రమలో మెగాస్టార్ చిరంజీవి గురించి ప్రత్యేకంగా చెప్పాల్సిన పనిలేదు. తాజాగా, ఆయన రవి స్టూడియోస్ ఆధ్వర్యంలో ఇంట్లో చేయించుకున్న ఒక ప్రైవేట్ ఫోటోషూట్ సోషల్ మీడియాలో సంచలనం సృష్టిస్తోంది. ఈ ఫోటోల్లో చిరంజీవి ఐదు నుంచి ఆరు విభిన్నమైన కాస్ట్యూమ్స్లో ఎంతో స్టైలిష్గా, ఎనర్జిటిక్గా కనిపించారు.
దాదాపు 70 ఏళ్ల వయసులోనూ కుర్రాడిలా కనిపిస్తున్న చిరంజీవి ఫిట్నెస్ చూసి అభిమానులు, నెటిజన్లు ఆశ్చర్యపోతున్నారు. ప్రస్తుతం ఉన్న పర్యావరణ కాలుష్యం, మారిన ఆహారపు అలవాట్ల నేపథ్యంలో, ఈ వయసులో చిరంజీవి చూపిస్తున్న ఈ యంగ్ లుక్, ఫిట్నెస్ నిజంగా ఎంతో మందికి స్ఫూర్తిదాయకం. ఇది దేవుడిచ్చిన వరమో లేక ఫిట్నెస్ పట్ల ఆయనకున్న అంకితభావమో తెలియదు కానీ, ఆయనలోని చరిష్మా, గ్రేస్ మాత్రం ఏ మాత్రం తగ్గడం లేదని సినీ విశ్లేషకులు సైతం ప్రశంసిస్తున్నారు.
-ఇటీవల ‘మన శంకరవరప్రసాద్ గారు’ చిత్రంలోని “మీసాల పిల్ల” పాట ప్రోమోలో చిరంజీవి స్టైలింగ్ గురించి కొంతమంది విమర్శలు చేసిన సంగతి తెలిసిందే. అయితే, ఈ తాజా ఫోటోషూట్ ద్వారా మెగాస్టార్ ఆ విమర్శలకు తనదైన స్టైలిష్గా సమాధానం ఇచ్చినట్లు అభిమానులు అభిప్రాయపడుతున్నారు. ఆయన హ్యాండ్సమ్ లుక్ చూసి “ఏం హ్యాండ్సమ్, ఏం చరిష్మా” అంటూ ప్రశంసల వర్షం కురుస్తోంది.
‘భోళా శంకర్’ తర్వాత కొంత విరామం తీసుకున్న చిరంజీవి, 2025లో మాత్రం అత్యంత బిజీగా గడపనున్నారు. జనవరిలో ‘మన శంకరవరప్రసాద్ గారు’ థియేటర్లలో సందడి చేయనుంది. ఈ సినిమాపై ఇప్పటికే భారీ అంచనాలు నెలకొన్నాయి. వేసవిలో ప్రేక్షకులు ఎంతో ఆసక్తిగా ఎదురుచూస్తున్న పీరియాడిక్ ఫాంటసీ చిత్రం ‘విశ్వంభర’ విడుదల కానుంది. డిసెంబరు లేదా జనవరిలో డైరెక్టర్ బాబీతో ఒక పవర్ఫుల్ యాక్షన్ మూవీ సెట్స్పైకి వెళ్లనుంది.
డైరెక్టర్ శ్రీకాంత్ ఓదెలతోనూ ఒక వయలెంట్ డ్రామా చేయనుండగా, ఇందులో చిరంజీవి సరికొత్త మేకోవర్లో కనిపించనున్నారు. ఈ ప్రాజెక్టులతో పాటు మరో రెండు మూడు సినిమాలు చర్చల దశలో ఉన్నట్లు తెలుస్తోంది. 70 ఏళ్ల వయసులో చిరంజీవి చూపిస్తున్న ఈ డెడికేషన్ యువ నటులకు సైతం ప్రేరణగా నిలుస్తోంది. “వయసు కేవలం ఓ సంఖ్య మాత్రమే” అనే మాటకు మెగాస్టార్ చిరంజీవి ప్రత్యక్ష నిదర్శనం.