Pawan Kalyan Bro First Single : పవర్ స్టార్ పవన్ కళ్యాణ్, సాయిధరమ్ తేజ్ కలిసి నటించిన లేటెస్ట్ మూవీ బ్రో. ఈ మూవీ విడుదల తేదీ దగ్గర పడుతుండటంతో ప్రమోషన్స్ లో బిజీగా ఉన్నారు మేకర్స్. ఇందులో భాగంగానే పోస్టర్స్, టీజర్ తో మూవీపై మరింత హైప్ పెంచారు. థమన్ మ్యూజిక్ అందిస్తున్న ఈ మూవీ నుండి జులై 3న మ్యూజికల్ అప్ డేట్ ఉంటుందని థమన్ సోషల్ మీడియా వేదికగా తెలిపాడు. మొన్న టీజర్ లో BGM తో అదరగొట్టిన థమన్ ఫస్ట్ సింగిల్ కోసం ఫ్యాన్స్ ఆసక్తిగా ఎదురు చూస్తున్నారు.
తమిళ్ ‘వినోదయ సీతమ్’ సినిమాను తెలుగులో బ్రో ది అవతార్ గా రీమేక్ చేస్తున్న విషయం తెల్సిందే. దీనికి సముద్రఖని దర్శకత్వం వహించడంతో పాటు కీలక పాత్రలో నటించనున్నారు. ఈ మూవీకి మాటలు, స్క్రీన్ ప్లే మాటల మాంత్రికుడు త్రివిక్రమ్ అందించగా పీపుల్ మీడియా ఫ్యాక్టరీ సంస్థ ఈ చిత్రాన్ని నిర్మిస్తుంది. జులై 28న ఈ చిత్రాన్ని విడుదల చేయనున్నారు. ఇందులో ప్రియా ప్రకాష్ వారియర్, కేతిక శర్మ, బ్రహ్మానందం, రోహిణి మొల్లేటి, సుబ్బరాజు, తనికెళ్ల భరణి తదితరులు కీలకపాత్రలో నటిస్తున్నారు.