Ram Charan Birthday : RRR బ్లాక్ బస్టర్ తర్వాత గ్లోబల్ స్టార్ అయిపోయిన మెగా పవర్ స్టార్ రామ్. ప్రెసెంట్ ప్రముఖ దర్శకుడు శంకర్ దర్శకత్వంలో భారీ చిత్రంలో నటిస్తున్నారు. దీన్ని RC15 అనే వర్కింగ్ టైటిల్‌తో తెరకెక్కిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతోంది. ఈ చిత్రంలో కియారా అద్వానీ, అంజలి హీరోయిన్లుగా నటిస్తున్నారు.
ఇందులో ఎస్ జె సూర్య విలన్ గా నటిస్తోండగా.. ఎస్ ఎస్ థమన్ సంగీతం అందిస్తున్నారు. దిల్ రాజు ఈ చిత్రాన్ని నిర్మిస్తున్నాడు. తాజాగా రామ్ చరణ్ బర్త్ డే సందర్భంగా టైటిల్ అనౌన్స్ చేశారు మేకర్స్. కొన్ని సెకన్ల వీడియో ఆకట్టుకోగా చివరగా గేమ్ ఛేంజర్ అనే టైటిల్ రివీల్ చేశారు. అలాగే మధ్యాహ్నం 3.06కి ఫస్ట్ లుక్ ని రిలీజ్ చేయనున్నారు.
RRR తర్వాత అసలేమాత్రం గ్యాప్ తీసుకోకుండా రామ్ చరణ్.. నేరుగా డైరెక్టర్ శంకర్ సెట్ లో అడుగు పెట్టాడు. ఆ సినిమా షూటింగ్‌ను పరిగెత్తిస్తూనే.. ఆ తరువాత తన ఫిల్మ్ లైనప్‌ మీద కూడా ఫోకస్ పెట్టేశాడు. వచ్చే పదేళ్ళలో చరణ్ మూవీస్ అన్నీ నెక్స్ట్ లెవెల్ లో ఉండనున్నాయి.