RRR Movie: ఆర్ఆర్ఆర్ తెలుగు నాట మాత్రమే కాదు ప్రపంచ వ్యాప్తంగా ప్రభంజనం సృష్టించిన సినిమా. ఒక్క తెలుగు భాషలోనే కాకుండా ప్రపంచ భాషల్లోనూ తనకంటూ ఒక ప్రత్యేకమైన స్థానాన్ని సంపాదించుకున్న సినిమా “ఆర్ఆర్ఆర్”. దక్షిణాది చిత్రాల ఖ్యాతిని ఖండాంతరాలు ఇనుమడింపజేసిన సినిమా ఆర్ఆర్ఆర్. దర్శక ధీరుడు రాజమౌళి ఎంతో ప్రతిష్టాత్మకంగా తెరకెక్కించిన ఆర్ఆర్ఆర్ ఇప్పటికే ఎన్నో అవార్డులను సొంతం చేసుకుంది.
తాజాగా మరో అరుదైన అవార్డును తన ఖాతాలో వేసుకుంది. జపాన్ 46వ అకాడమీ అవార్డుల్లో విదేశీ చిత్రాల విభాగంలో అవుట్ స్టాండింగ్ ఫిల్మ్ పురస్కారానికి ఆర్ఆర్ఆర్ ఎంపికైంది(RRR Wins Japan Academy Award). ఈ అవార్డు కోసం రేసులో జేమ్స్ కామెరాన్ అద్భుతసృష్టి అవతార్-2 ఉన్నప్పటికీ, ఆర్ఆర్ఆర్ విజేతగా నిలవడం విశేషం. ఇటీవలే నాటు నాటు పాటకు కాగా.. గోల్డెన్ గ్లోబ్ అవార్డు పొందింది ఆర్ఆర్ఆర్.
Also Read : అమ్మాయిలను ఆకర్షించడానికి ఈ టెక్నిక్స్ ఫాలో అవ్వండి..
దాంతో.. ఆస్కార్ కు ఈ అవార్డు శుభసూచకమైంది. అంతకుముందు.. ఎస్ఎస్ రాజమౌళి ఫిలిం క్రిటిక్ అవార్డును కూడా అందుకున్నారు. కాగా.. నేడు ఆస్కార్ తుది నామినేషన్లను ప్రకటించనున్న నేపథ్యంలో.. ఆర్ఆర్ఆర్ బరిలో నిలుస్తుందా లేదా అని సర్వత్రా ఉత్కంఠ నెలకొంది. ఇటీవల జపాన్ లో జాపనీస్ భాషలో విడుదలైన ఆర్ఆర్ఆర్ కు అక్కడి ప్రజలు బ్రహ్మరథం పట్టారు.