త్వరలోనే హీరో శర్వానంద్‌ పెళ్లి.. ఇంతకీ అమ్మాయి ఎవరంటే..!?

టాలీవుడ్ మోస్ట్ ఎలిజిబుల్ బ్యాచ్‌ల‌ర్స్‌లో ప్ర‌స్తుతం ఇద్ద‌రు హీరోల పేర్లు గట్టిగా వినిపిస్తాయి. ఒక‌రేమో రెబల్ స్టార్ ప్ర‌భాస్ అయితే.. మ‌రొక‌రు శ‌ర్వానంద్‌. ఇద్ద‌రినీ పెళ్లి ఎప్పుడు అని అడ‌గ‌ని ఇంట‌ర్వ్యూ ఉండ‌దు. వారి పెళ్లిపై సోష‌ల్ మీడియాలో వార్త‌ల‌కు కొద‌వే ఉండ‌దు. కాగా.. ఇప్పుడు టాలీవుడ్ సినీ వ‌ర్గాల్లో వినిపిస్తోన్న టాక్ మేర‌కు హీరో శ‌ర్వానంద్ త్వ‌ర‌లోనే పెళ్లి చేసుకోబోతున్నార‌ట‌.

అమెరికాలో సాఫ్ట్ వేర్ ఇంజనీర్‌గా పని చేస్తున్న ఎన్నారై అమ్మాయిని శర్వా పెళ్లి చేసుకోబోతోన్నట్లు ఫిల్మ్‌నగర్‌ వర్గాల్లో చక్కర్లు కొడుతుంది. ఆమెది రెడ్డి సామాజిక వర్గమని, తెలంగాణకు చెందిన అమ్మాయి అని తెలుస్తుంది. గత కొన్నాళ్లుగా శర్వా ఆమెతో ప్రేమలో ఉన్నట్లు టాక్‌. త్వరలోనే ఈ ఇద్దరూ పెళ్లిపీటలెక్కనున్నారట.

Also Read: అన్ స్టాపబుల్ వలన పవన్ కి లాభమా? నష్టమా

దీనికి సంబంధించి శర్వానంద్‌ స్వయంగా అనౌన్స్‌మెంట్‌ చేయనున్నట్లు సమాచారం. కాగా ఇటీవలె బాలయ్య అన్ స్టాపబుల్ షోలో శర్వానంద్ పెళ్లి ప్రస్థావన రాగా, ప్రభాస్‌ తర్వాతే పెళ్లి చేసుకుంటానని చెప్పిన శర్వా ఇప్పుడు బ్యాచిలర్‌ లైఫ్‌కు గుడ్‌బై చెప్పనుండటం విశేషం. నెట్టింట జోరుగా హ‌ల్ చ‌ల్ చేస్తోన్న త‌న పెళ్లి వార్త‌ల‌పై శ‌ర్వానంద్ రియాక్ట్ అవుతారా? లేక సైలెంట్‌గా ఉండిపోతారా అనేది చూడాలి.