Ustaad bhagat Singh Update : పవర్ స్టార్ పవన్ కళ్యాణ్ ప్రస్తుతం వరుస సినిమాలతో బిజీ బిజీగా ఉన్నారు. క్రిష్ జాగర్లమూడి డైరెక్షన్ లో తెరకెక్కుతున్న హరిహర వీరమల్లు షూట్ కి గ్యాప్ రావడంతో సముద్రఖని దర్శకత్వంలో తమిళ్ రిమేక్ వినోదయ సిత్తమ్ మూవీలో నటిస్తున్నారు. ఇందులో పవన్ తో పాటు ఆయన మేనల్లుడు సాయి ధరమ్ తేజ్ కూడా నటిస్తున్న విషయం తెలిసిందే. ప్రస్తుతం ఈ మూవీ షూటింగ్ షర వేగంగా జరుగుతుంది.
వీటితో పాటు పవన్ సుజిత్ దర్శకత్వంలో ది ఓజీ, హరీష్ శంకర్ డైరెక్షన్ లో ఉస్తాద్ భగత్ సింగ్ చిత్రాల్లో నటించనున్నారు. గబ్బర్ సింగ్ తర్వాత హరీష్ శంకర్ పవన్ కళ్యాణ్ కాంబో వస్తున్న ఈ మూవీపై ఫ్యాన్స్ కి భారీ అంచనాలున్నాయి. ఇదిలావుండగా తాజాగా ఉస్తాద్ భగత్ మూవీ నుంచి ఓ క్రేజీ అప్డేట్ బయటకు వచ్చింది.
ఉస్తాద్ భగత్ సింగ్ లో పవన్ సరసన కోలీవుడ్ యంగ్ అండ్ టాలెంటెడ్ హీరోయిన్ మాళవికా మోహనన్ నటించనుందని సమాచారం. ఈ సినిమాకి వీరి జంట పర్ఫెక్ట్ గా ఉంటుంది అని ఫ్యాన్స్ కామెంట్ చేస్తున్నారు. అలాగే మరో యంగ్ హీరోయిన్ శ్రీలీల కూడా ఇందులో నటిస్తున్న విషయం తెలిసిందే. ఈ చిత్రానికి దేవిశ్రీప్రసాద్ మ్యూజిక్ అందిస్తుండగా మైత్రి మూవీ మేకర్స్ నిర్మించనున్నారు.