Butta Bomma Movie Review :
సినిమా రివ్యూ : బుట్ట బొమ్మ
నటీనటులు : అనిఖా సురేంద్రన్, అర్జున్ దాస్, సూర్య వశిష్ఠ, ప్రేమ్ సాగర్, నవ్యా స్వామి, నర్రా శ్రీను, ‘మిర్చి’ కిరణ్, పమ్మి సాయి, వాసు ఇంటూరి, ‘పుష్ప’ జగదీశ్ తదితరులు
సంగీతం : గోపీసుందర్, స్వీకర్ అగస్తి
నిర్మాతలు : నాగవంశీ ఎస్‌. – సాయి సౌజన్య
దర్శకత్వం : శౌరి చంద్రశేఖర్ రమేష్
విడుదల తేదీ: ఫిబ్రవరి 4, 2023
మలయాళ సినిమా ‘కప్పేలా’ (Kappela Telugu Remake Review)ను తెలుగులో ‘బుట్ట బొమ్మ’ (Butta Bomma Movie in Telugu)గా రీమేక్ చేశారు. త్రివిక్రమ్ సతీమణి సాయి సౌజన్య, సితార ఎంటర్‌టైన్‌మెంట్స్ సూర్యదేవర నాగవంశీ నిర్మాతలు కావడం.. ప్రచార చిత్రాలు బాగుండటంతో సినిమాపై ప్రేక్షకుల చూపు పడింది. మరి, సినిమా ఎలా ఉందంటే..
కథ : సత్య (అనిఖా సురేంద్రన్)ది సాధారణ మధ్య తరగతి కుటుంబం. వాళ్ళది అరకు. ఇంట్లోనే టైలరింగ్ చేసే తల్లి, రైసు మిల్లులో పని చేసే తండ్రి, స్కూల్‌కు వెళ్ళే చెల్లి, ఫోన్ తీసుకుని బాయ్ ఫ్రెండుతో మాట్లాడే పక్కింట్లో స్నేహితురాలు, తనకు లైన్ వేసే డబ్బున్న జమీందారు.. ఇదీ సత్య లైఫ్! ఏడు వేలు పెట్టి కెమెరా ఫోన్ కొనుక్కోవడం ఆమె యాంబిషన్. ఎందుకంటే.. కెమెరా ఫోనుతో రీల్స్ చేసి ఫేమస్ అయిపోవాలని! సాఫీగా సాగుతున్న సత్య జీవితాన్ని ఒక్క రాంగ్ డయల్ మలుపు తిప్పుతుంది.
ఫోనులో పరిచయమైన మురళి (సూర్య వశిష్ఠ)తో ప్రేమలో పడుతుంది. అతడిని చూడకుండా ప్రేమిస్తుంది. ఇంట్లో పెళ్లి సంబంధం ఖాయంతో చేయడంతో సూర్యను చూడటం కోసం విశాఖ వెళుతుంది. ఆ తర్వాత ఏమైంది? ఆర్కే (అర్జున్ దాస్) ఎవరు? సత్య, మురళిని ఎందుకు ఫాలో అయ్యాడు? ఏం చేశాడు? అనేది తెరపై చూసి తెలుసుకోవాలి.
Also Read: మీరు ఆలస్యంగా నిద్రలేస్తున్నారా.. దాని వల్ల ప్రాణానికి ఎంత ప్రమాదమో తెలుసా..!?
విశ్లేషణ : కథలు ఎక్కడో ఉండవు. మన చుట్టుపక్కల మనకు తెలియకుండా చాలా జరుగుతాయి. తెలిసిన తర్వాత ఆశ్చర్యపోవడం మన వంతు అవుతుంది.
అలాంటి ఓ కథే ‘బుట్ట బొమ్మ’. మలయాళంలో ‘కప్పేలా’కు మంచి ప్రశంసలు వచ్చాయి. ఆ కథతో తెలుగు సినిమా అంటే ఆసక్తి ఏర్పడింది. కొందరు ‘కప్పేలా’ చూశారు. కొంత మంది చూడలేదు. ‘కప్పేలా’లో ఏముంది? ఎలా తీశారు? అనేది పక్కన పెట్టి, ఈ సినిమాకు వస్తే…
‘బుట్ట బొమ్మ’లో అందమంతా కథలో కాదు, క్యారెక్టరైజేషన్లలో ఉంది. ఇదొక సింపుల్ కథ. చాలా అంటే చాలా సింపుల్! రెండు ట్విస్టులను బేస్ చేసుకుని రాసుకున్న కథ. ఒకటి ఇంటర్వెల్ ముందు, ఇంకొకటి క్లైమాక్స్ ముందు వస్తాయి! మలయాళ సినిమా చూసిన వాళ్ళకు ఆ ట్విస్టులు ఏంటో తెలుస్తాయి. చూడని వాళ్ళను సర్‌ప్రైజ్ చేస్తాయి.
రేటింగ్ : 2.5/5
చివరగా.. ‘బుట్ట బొమ్మ’ సింపుల్ సినిమా. చిన్న పాయింట్ తీసుకుని చక్కగా తెరకెక్కించారు. అయితే, థియేటర్ నుంచి బయటకు వచ్చేటప్పుడు ఏదో వెలితిగా ఉంటుంది. పార్టులు పార్టులుగా కొన్ని సీన్స్ సూపర్ అనిపిస్తాయి.
