Traditional Langa Oni : వివాహాల సీజన్‌ వచ్చిందంటే చాలు అమ్మాయిల హంగామా మామూలుగా ఉండదు. లంగా ఓణీలు, అంటూ సంప్రదాయ దుస్తుల వేటలో పడిపోతారు. ప్రస్తుతం లంగా ఓణీల ట్రెండ్‌ నడుస్తున్నది. పట్టు లంగాలకు మగ్గం వర్క్‌ జతచేసి మరింత ముచ్చటగా రూపొందిస్తున్నారు.
దక్షిణ భారతదేశంలోని స్త్రీలు ధరించే సాంప్రదాయక వస్త్రాల్లో ఓ రకం లంగా ఓణి. ముఖ్యంగా ఆంధ్రప్రదేశ్ ,తెలంగాణా , కర్ణాటక, తమిళనాడు, కేరళ రాష్ట్రాలలో యుక్తవయస్సులోని అవివాహితులైన స్త్రీలు ధరిస్తారు. దీనిని తమిళులు ధావనిగా పిలుస్తారు.
శ్రీలీల ,భగవంత్ కేసరి సినిమాలో బాలకృష్ణ కూతురుగా నటించి మెప్పించింది బ్యూటీ. శ్రీలీల విజ్జి పాప గా లంగా ఓణీలో కనిపించిన విభిన్న లుక్స్‌ లో ఇదొకటి. సాయి ధరమ్‌తేజ్‌ హీరోగా రూపొందిన ‘విరూపాక్ష’లో నందిని కుడా లంగా ఓణీ లుక్‌తోనే ‘మ్యాజిక్‌’ చేసింది. అల్లు అర్జున్‌ హీరోగా తెరకెక్కనున్న ‘పుష్ప 2 : ది రైజ్‌’లో రష్మికా మందన్న కూడ లంగా ఓణీలో కనిపించనుంది. దేవర’లో జాన్వీ ‘తంగం ’ పాత్ర పోషిస్తుంది జాన్వీ కపూర్. ఆ రోల్‌లో ఆమె లంగా ఓణీలో పల్లెటూరి అమ్మాయిలా అలరించనుంది.
గ్రీన్ అండ్ బ్లూ కాంబినేషన్ లంగా ఓణీ లుక్ లో జాన్వీ కపూర్ మెరిసింది. సాయి పల్లవి ఎంపిక చేసుకునే పాత్రలన్నీ దాదాపు లంగా ఓణీతో ముడిపడే ఉంటాయి. ‘లవ్‌స్టోరి’లో మౌనిక, విరాటపర్వం లో వెన్నెల పాత్రలకు సాయి పల్లవి లంగా ఓణీ తో దక్షిణాది ఆమ్మాయిలా అలరించింది. రంగ స్థలం లో సమంత కొండ పొలం’లో రకుల్‌ప్రీత్‌ సింగ్‌, గద్దలకొండ గణేష్‌’లో పూజాహెగ్డే ఇస్మా ర్ట్‌ శం కర్‌’లోని బోనాలు పాటలో నభానటేశ్‌ ఈ హాఫ్‌ శారీలో ఆకట్టుకున్నారు.
