Roshni Walia: శృంగారం చేసుకోవడానికి మా అమ్మ ఫ్రీడమ్ ఇచ్చింది..!
Roshni Walia: బాలీవుడ్ నటి రోష్ని వాలియా శృంగారంపై చేసిన బోల్డ్ కామెంట్స్ ప్రస్తుతం సోషల్ మీడియాలో వైరల్గా మారాయి. ముఖ్యంగా శృంగారం, వ్యక్తిగత స్వేచ్ఛకు సంబంధించి తన తల్లి ఇచ్చిన సలహాలను బహిరంగంగా పంచుకోవడంతో సినీ వర్గాల్లో, నెటిజన్ల మధ్య పెద్ద చర్చకు దారితీసింది. బాలనటిగా కెరీర్ ప్రారంభించి, ఇప్పుడు బోల్డ్ పాత్రలతో దూసుకుపోతున్న రోష్ని, ఇటీవల ఓ పాడ్కాస్ట్ కార్యక్రమంలో మాట్లాడుతూ తన వ్యక్తిగత జీవితం గురించి నిర్మొహమాటంగా మాట్లాడారు.
సేఫ్టీ వాడండి’ అని చెబుతూనే ఉంటుంది..!
భారతీయ తల్లిదండ్రులు తమ పిల్లలతో లైంగిక ఆరోగ్యం, వ్యక్తిగత స్వేచ్ఛ వంటి విషయాలపై మాట్లాడటానికి సంకోచిస్తుంటారు. కానీ రోష్ని వాలియా తల్లి పెంపకం అందుకు భిన్నంగా ఉంది. “మా అమ్మ ఎప్పుడూ మమ్మల్ని ‘సేఫ్టీ వాడండి’ (Use Protection) అని చెబుతూనే ఉంటుంది” అని రోష్ని వెల్లడించారు. సురక్షితమైన శృంగారం గురించి తన తల్లి తన అక్కకు, ఆ తర్వాత తనకు కూడా యుక్తవయస్సులోకి వచ్చినప్పుడు స్పష్టంగా చెప్పారని తెలిపారు. ఇది తమ కుటుంబానికి లైంగిక ఆరోగ్యం పట్ల ఉన్న బాధ్యతాయుతమైన వైఖరి అని రోష్ని చెప్పుకొచ్చారు.
మిమ్మల్ని మీరు కోల్పోకండి..!
భద్రతతో పాటు, జీవితాన్ని ఆనందించే విషయంలో కూడా తల్లి తనకు తన అక్కకు పూర్తి స్వేచ్ఛనిచ్చారని రోష్ని చెప్పారు. “ఇంట్లోనే ఉండిపోవాలని కాకుండా, బయటకు వెళ్లి స్నేహితులతో కలిసి పార్టీలు చేసుకోవాలని, యువతగా తమ కాలాన్ని పూర్తిగా ఆస్వాదించాలని ఆమె ప్రోత్సహించేవారు” అని రోష్ని గుర్తుచేసుకున్నారు. “మిమ్మల్ని మీరు కోల్పోకండి (Don’t lose yourself)” అని తన తల్లి చెప్పిన మాటలను చెబుతూ, ఇది బాధ్యతాయుతంగా జీవిస్తూనే స్వేచ్ఛను ఆస్వాదించాలనే ఉద్దేశంతో ఆమె చెప్పారని వెల్లడించారు.
కుటుంబ సంబంధాల గురించి మాట్లాడుతూ, కఠినమైన తల్లిదండ్రుల పిల్లలు ఎక్కువగా అల్లరి చేసే అవకాశం ఉందని, అయితే స్వేచ్ఛనిచ్చే తల్లిదండ్రుల పిల్లలు మరింత నిజాయితీగా ఉంటారని రోష్ని వాలియా అన్నారు. ఆమె వ్యాఖ్యలు సోషల్ మీడియాలో భిన్నాభిప్రాయాలను లేవనెత్తుతున్నాయి. కొందరు ఆమె తల్లిని “మోడరన్ మమ్మీ, చాలా ఓపెన్ మైండ్డ్, స్వేచ్ఛకు నిలువెత్తు ఉదాహరణ” అంటూ ప్రశంసిస్తుండగా, మరికొందరు భిన్నంగా స్పందిస్తున్నారు.