Bandla Ganesh: బండ్ల గణేష్ వ్యాఖ్యలు బాధించాయి.. బన్నీ వాసు కామెంట్స్
Bandla Ganesh: తెలుగు చిత్ర పరిశ్రమలో ఒక ఈవెంట్కు నిర్మాత బండ్ల గణేష్ హాజరైతే, అక్కడ ఏదో ఒక వివాదాస్పద అంశం చర్చకు రావడం సర్వసాధారణం. ఇటీవల జరిగిన ‘లిటిల్ హార్ట్స్’ సినిమా సక్సెస్ మీట్లో ఆయన చేసిన వ్యాఖ్యలు ఇండస్ట్రీలో హాట్ టాపిక్గా మారాయి. ఆయన వ్యాఖ్యల్లోని పరోక్ష విమర్శలు అల్లు అరవింద్ను ఉద్దేశించినవేనని ప్రచారం జరగడంతో, ప్రముఖ నిర్మాత బన్నీ వాసు వెంటనే ఘాటుగా స్పందించారు.
‘లిటిల్ హార్ట్స్’ సక్సెస్ ఈవెంట్లో బండ్ల గణేష్ తనదైన శైలిలో మాట్లాడుతూ, విజయాలు తాత్కాలికమని చెప్పే క్రమంలో కొన్ని పరోక్ష వ్యాఖ్యలు చేశారు. “ఇప్పుడు నీ సినిమా హిట్టైంది కాబట్టి అందరూ నీ చుట్టూ తిరుగుతున్నారు. ఇది కేవలం 20 రోజుల మాయ మాత్రమే. మహేశ్ బాబు ట్వీట్ చేశాడు, విజయ్ దేవరకొండ షర్ట్ ఇచ్చాడు అని ఆనందపడకు,” అని ఆయన వ్యాఖ్యానించారు.
అనంతరం, సినీ పరిశ్రమలోని వారసత్వం గురించి ప్రస్తావిస్తూ, “ఇండస్ట్రీలో ప్రతి ఒక్కరూ మెగాస్టార్ బావమరిదిలా, స్టార్ కమెడియన్ కొడుకులా, ఐకాన్ స్టార్ తండ్రిలా పుట్టలేరు. కొందరికే ఆ అదృష్టం దక్కుతుంది. మిగతావాళ్లంతా రాత్రింబవళ్లు కష్టపడితే, చివరికి ఆ క్రెడిట్ మొత్తం వారికే వెళ్లిపోతుంది,” అని బండ్ల గణేష్ ఘాటుగా మాట్లాడారు. ఈ మాటలు అల్లు అరవింద్ను పరోక్షంగా విమర్శించేందుకే చేశారన్న అభిప్రాయం పరిశ్రమలో బలంగా వినిపించింది.
ఈ వ్యాఖ్యలు చేస్తున్నప్పుడు బండ్ల గణేష్ పక్కనే కూర్చున్న బన్నీ వాసు కాస్త అసహనానికి గురై, “ఇలా ఇరికించేశాడేంటి!” అన్నట్టుగా హావభావాలు చూపించారు. ఆ తర్వాత మైక్ తీసుకుని వెంటనే స్పందించారు. “అల్లు అరవింద్ గారు స్టార్ కమెడియన్కు పుట్టారు అనడం సరికాదు. ఆయన పుట్టిన తర్వాతే అల్లు రామలింగయ్య గారు స్టార్ కమెడియన్ అయ్యారు. బండ్ల గణేష్కి ఈ విషయం తెలిసి ఉండకపోవచ్చు,” అని బన్నీ వాసు ఘాటుగా బదులిచ్చారు.
తాజాగా ఇచ్చిన ఇంటర్వ్యూలో బన్నీ వాసు ఈ అంశాన్ని మరోసారి ప్రస్తావించారు. “బండ్ల గణేష్ చేసిన వ్యాఖ్యలు నిజంగా షాకింగ్గా అనిపించాయి. అల్లు అరవింద్ గారు ఇండస్ట్రీకి చేసిన సేవలు తారాస్థాయిలో ఉన్నాయి. ఆయన గురించి అలా మాట్లాడటం నాకు చాలా బాధ కలిగించింది. ఆ రోజు ఈవెంట్లోని సంతోషకరమైన వాతావరణం అంతా గల్లంతయ్యింది,” అని బన్నీ వాసు తన ఆవేదనను వ్యక్తం చేశారు. కొందరు బండ్ల గణేష్ వ్యాఖ్యల వెనుక నిజాయితీ ఉందని సమర్థిస్తున్నప్పటికీ, పబ్లిక్ ఈవెంట్లలో వ్యక్తిగత విమర్శలు చేయడం సరైన పద్ధతి కాదని సినీ ప్రముఖులు అభిప్రాయపడుతున్నారు.