Jurassic World Rebirth: సైలెంట్గా OTTలోకి వచ్చేసిన జురాసిక్ వరల్డ్ రీబర్త్..!
Jurassic World Rebirth: హాలీవుడ్ యాక్షన్, ఫాంటసీ చిత్రాలకు ప్రత్యేకమైన ప్రేక్షకులు ఉంటారు. ముఖ్యంగా ‘జురాసిక్’ ఫ్రాంచైజీకి ఉన్న క్రేజ్ అంతా ఇంతా కాదు. ఈ సిరీస్లో భాగంగా ఇటీవల విడుదలైన ‘జురాసిక్ వరల్డ్ రీబర్త్’ ఇప్పుడు ఓటీటీలోకి వచ్చేసింది. ఎటువంటి ముందస్తు ప్రకటన లేకుండానే ఈ చిత్రం అమెజాన్ ప్రైమ్ వీడియోలో అందుబాటులోకి రావడంతో సినీ ప్రియులు ఆనందం వ్యక్తం చేస్తున్నారు.
విజువల్ వండర్గా నిలిచిన ఈ సినిమా ప్రస్తుతం అమెరికాలో ఆపిల్ ప్లస్ టీవీల్లో వీడియో ఆన్ డిమాండ్ (అద్దె విధానంలో) పద్ధతిలో ఇంగ్లీష్, తెలుగు, తమిళం వంటి భాషల్లో లభిస్తోంది. భారతీయ ప్రేక్షకులకు మాత్రం త్వరలోనే అందుబాటులోకి రానుంది.
దర్శకుడు గారెత్ ఎడ్వర్డ్స్ రూపొందించిన ఈ చిత్రంలో స్కార్లెట్ జాన్సన్, జోనాథన్ బెయిలీ, మహెర్షలా అలీ వంటి ప్రముఖ నటీనటులు కీలక పాత్రలు పోషించారు. ఇది 2022లో వచ్చిన ‘జురాసిక్ వరల్డ్: డొమినియన్’ తరువాత జరిగే కథగా రూపొందింది. ఈ కథాంశం ఒక ద్వీపంలో డైనోసార్ల డీఎన్ఏ నుంచి ప్రాణాంతక వ్యాధులను నయం చేసే ఔషధాన్ని తయారు చేయడానికి వెళ్లిన ఒక సాహస బృందం ఎదుర్కొనే సవాళ్ల చుట్టూ తిరుగుతుంది.
ఈ చిత్రంలో, గుండె జబ్బులు వంటి వ్యాధులకు నివారణగా పనిచేసే అరుదైన డైనోసార్ల రక్తాన్ని సేకరించడానికి శాస్త్రవేత్తలు ఒక బృందాన్ని పంపుతారు. ఆ బృందానికి చెందిన జోరా బెన్నెట్ (స్కార్లెట్ జాన్సన్) తన టీంతో కలిసి ఈక్వెడార్లోని ఒక ప్రమాదకరమైన ద్వీపానికి వెళ్తుంది. అక్కడ ఆమెకు ఎదురైన సంఘటనలే ఈ సినిమాను మరింత ఉత్కంఠభరితంగా మారుస్తాయి. థియేటర్లలో పెద్దగా ఆకట్టుకోలేకపోయినా, ఈ చిత్రం ఓటీటీలో మంచి ఆదరణ పొందుతుందని భావిస్తున్నారు.