Pawan Kalyan – Glass Symbol : జనసేన పార్టీకి ఎన్నికల సంఘం ఏ గుర్తుని కేటాయిస్తుందో అని చాలా సందిగ్ధంలో ఉన్న తరుణంలో పార్టీకి అంతకుముందు కేటాయించిన గ్లాస్ గుర్తునే ఫైనల్ చేస్తూ ఎన్నికల సంఘం ఉత్తర్వులు జారీ చేసింది. జనసేన పార్టీకి ఎన్నికల గుర్తుగా మరోసారి గ్లాస్ ను కేటాయించినందుకు ఎన్నికల సంఘానికి హృదయపూర్వకంగా కృతజ్ఞతలు తెలిపారు పవన్ కళ్యాణ్. ఆంధ్రప్రదేశ్, తెలంగాణ రాష్ట్రాలకు జరిగిన గత సార్వత్రిక ఎన్నికలలో జనసేన
అభ్యర్ధులు గ్లాస్ గుర్తుపైనే పోటీ చేసిన సంగతి విధితమే. ఆంధ్ర ప్రదేశ్ రాష్ట్రంలో 137 స్థానాలు, తెలంగాణ నుంచి 7 లోక్ సభ స్థానాలలో జనసేన అభ్యర్ధులు నాడు పోటీలో నిలిచారు. ఇప్పుడు తెలంగాణ, ఆంధ్రప్రదేశ్ లలో ప్రజలకు సేవ చేయడానికి జనసేన అభ్యర్థులు సన్నద్ధమైన తరుణంలో రిజిస్టర్డ్ పార్టీ అయిన జనసేనకు గ్లాస్
గుర్తును కేంద్ర ఎన్నికల సంఘం కేటాయించడం చాలా సంతోషదాయకం. ఈ సందర్భంగా రెండు రాష్ట్రాలు, కేంద్ర ఎన్నికల సంఘంలోని అధికారులు, యావన్మంది సిబ్బందికి పేరుపేరునా నా తరఫున, జనసేన పార్టీ తరపున కృతజ్ఞతలు తెలుపుతున్నాను అని పవన్ కళ్యాణ్ పేర్కొన్నారు.
