RGV Mein Bhoot: హారర్ అండ్ హాట్ లుక్లో రమ్యకృష్ణ.. ఆర్జీవీ మార్క్ హారర్ మూవీ లుక్ వైరల్
RGV Mein Bhoot: వివాదాస్పద దర్శకుడు రామ్ గోపాల్ వర్మ చాలా కాలం తర్వాత తన సిగ్నేచర్ జానర్ అయిన హారర్ థ్రిల్లర్తో రీ-ఎంట్రీ ఇస్తున్నారు. ‘దెయ్యం’, ‘రాత్రి’, ‘రక్ష’ వంటి హారర్ క్లాసిక్స్ తర్వాత ఆర్జీవీ ఈ జానర్కు తిరిగి రావడం హారర్ ప్రియుల్లో భారీ ఉత్సాహాన్ని నింపుతోంది. “పోలీస్ స్టేషన్ మే భూత్” అనే టైటిల్తో వస్తున్న ఈ చిత్రం, సస్పెన్స్, హారర్, సైకలాజికల్ అంశాల మేళవింపుతో రూపొందుతోంది.
పోలీస్ స్టేషన్ అనే వాస్తవిక, నిత్యం జనంతో ఉండే సెటప్లో ‘దెయ్యం’ అనే అంశాన్ని మిక్స్ చేయడం ఆర్జీవీ స్టైల్ ఆలోచనను ప్రతిబింబిస్తోంది. ఇది కేవలం సాధారణ దెయ్యం కథ కాదని, మైండ్ గేమ్తో కూడిన సైకలాజికల్ థ్రిల్ను కూడా అందిస్తుందని చిత్ర వర్గాలు చెబుతున్నాయి.
తాజాగా ఆర్జీవీ విడుదల చేసిన పోస్టర్ హారర్ ఫ్యాన్స్కు షాక్ ఇచ్చింది. అందులో నటి రమ్యకృష్ణ లుక్ అసాధారణంగా ఉంది. ఆమె భయంకరంగా, అదే సమయంలో కొంత బోల్డ్గా కనిపించడం విశేషం. నుదుటిపై తిలకం, కాటుక కళ్ళతో, ఏదో శక్తిమంతమైన మాంత్రికురాలిని తలపించేలా ఉన్న ఆమె లుక్ చూస్తే గూస్బంప్స్ వస్తున్నాయి. సాధారణంగా పవర్ఫుల్ లేదా గ్రేస్ఫుల్ పాత్రల్లో కనిపించే రమ్యకృష్ణలోని ఈ కొత్త షేడ్ను ఆర్జీవీ ఆవిష్కరించబోతున్నారని స్పష్టమవుతోంది.
ఈ చిత్రంలో ప్రముఖ నటుడు మనోజ్ బాజ్పాయ్ పోలీస్ ఆఫీసర్గా, జెనీలియా కీలక సహాయక పాత్రలో నటిస్తున్నారు. “ఒక దెయ్యం పోలీస్ స్టేషన్లో తిరుగుతూ, ఒక్కొక్కరినీ వేటాడటం” అనే కాన్సెప్ట్ ఆర్జీవీ మార్క్ థ్రిల్లింగ్ను అందిస్తుందని తెలుస్తోంది. ఇక ఈ చిత్రానికి ఇచ్చిన ట్యాగ్లైన్ “చనిపోయిన వారిని మీరు అరెస్ట్ చేయలేరు” అనేది ఆర్జీవీ మార్క్ పంచ్తో కూడి, సినిమా కాన్సెప్ట్ను ఒక్క లైన్లోనే ఎలివేట్ చేస్తోంది. రమ్యకృష్ణ పోస్టర్తో మొదలైన ఈ హారర్ హైప్ సినిమా విడుదల వరకు ఉత్కంఠగా కొనసాగడం ఖాయంగా కనిపిస్తోంది.