Samantha: మరో అధ్యాయం మొదలైందంటూ సమంత ఎమోషనల్ పోస్ట్.. ఏంటంటే?
Samantha: టాలీవుడ్ అగ్ర కథానాయిక సమంత రూత్ ప్రభు ప్రస్తుతం సినిమా రంగంతో పాటు వ్యాపార ప్రపంచంలోనూ సంచలనాలు సృష్టిస్తున్నారు. అనారోగ్య కారణాల వల్ల కొంతకాలం సినిమాలకు విరామం ప్రకటించిన సామ్, ఇప్పుడు మరింత ఉత్సాహంతో ప్రొఫెషనల్ లైఫ్లోకి రీ-ఎంట్రీ ఇచ్చారు. వరుస ప్రాజెక్టులతో పాటు, నిర్మాతగానూ తన అదృష్టాన్ని పరీక్షించుకుంటున్నారు.
సమంత తాజాగా తన సొంత నిర్మాణ సంస్థ ‘ట్రాలాలా మూవింగ్ పిక్చర్స్’ బ్యానర్పై ‘మా ఇంటి బంగారం’ అనే సినిమాను నిర్మిస్తున్నారు. ఇటీవలే ఈ చిత్రం పూజా కార్యక్రమాలు ఘనంగా జరిగాయి. ఇందులో సమంతతో పాటు దిగంత్, గుల్షన్ దేవయ్య ప్రధాన పాత్రల్లో నటిస్తున్నారు. సీనియర్ నటి గౌతమి, మంజుషాలు కీలక పాత్రలు పోషిస్తున్నారు. ఈ నిర్మాణంలో రాజ్ నిడుమోరు, హిమాంక్ దువ్వూరు కూడా భాగస్వాములుగా ఉన్నారు. నటిగా బాలీవుడ్లో ‘రక్త బ్రహ్మాండ’ అనే వెబ్ సిరీస్లో కూడా ఆమె నటిస్తున్నారు.
సినిమాలతో పాటు బిజినెస్ రంగంలోనూ సామ్ దూసుకుపోతున్నారు. ఇప్పటికే ‘సాకీ’ (Saaki) అనే క్లాతింగ్ బ్రాండ్ను విజయవంతంగా నడుపుతున్న సమంత, ఇటీవలే పెర్ఫ్యూమ్ వ్యాపారంలోకి కూడా అడుగు పెట్టారు. తాజాగా ఆమె మరో కొత్త దుస్తుల బ్రాండ్ను ప్రారంభించారు. ఈ కొత్త బ్రాండ్కు ‘ట్రూలీ స్మా’ (‘Truly Sma’) అనే విభిన్నమైన పేరు పెట్టారు.
సమంత ఈ కొత్త వెంచర్ను ప్రకటిస్తూ తన ఇన్స్టాగ్రామ్లో ఒక ప్రమోషనల్ వీడియోను షేర్ చేశారు. “A New Chapter Begins” (కొత్త అధ్యాయం మొదలైంది) అనే క్యాప్షన్తో పోస్ట్ చేసిన ఈ వీడియో ప్రస్తుతం సోషల్ మీడియాలో వైరల్ అవుతోంది. ఆమె స్టైల్, ఎంటర్ప్రెన్యూర్షిప్ స్కిల్స్ను మెచ్చుకుంటూ సినీ ప్రముఖులు, అభిమానులు మరియు నెటిజన్లు శుభాకాంక్షలు తెలుపుతున్నారు. వినూత్నమైన ఆలోచనలతో సామ్ వ్యాపారంలోనూ విజయం సాధించాలని ఆకాంక్షిస్తున్నారు. సమంత తీసుకున్న ఈ డబుల్ డెసిషన్ ఆమె కెరీర్కు మరింత బూస్ట్ ఇస్తుందని సినీ పండితులు అంచనా వేస్తున్నారు.