Sigma: దళపతి విజయ్ కొడుకు డైరెక్షన్లో.. హై వోల్టేజ్ యాక్షన్ డ్రామాతో వస్తున్న సందీప్ కిషన్
Sigma: టాలీవుడ్ యువ నటుడు సందీప్ కిషన్ మరోసారి పవర్ ప్యాక్డ్ యాక్షన్ ఎంటర్టైనర్తో ప్రేక్షకులను అలరించడానికి సిద్ధమవుతున్నారు. ఈ ప్రాజెక్ట్కి ఉన్న అతి పెద్ద స్పెషల్ ఏమిటంటే, ఈ సినిమాతోనే కోలీవుడ్ స్టార్ హీరో దళపతి విజయ్ కుమారుడు జాసన్ సంజయ్ దర్శకుడిగా తెలుగు తెరకు పరిచయం కాబోతున్నారు. ప్రాజెక్ట్పై ఆరంభం నుంచే భారీ అంచనాలు నెలకొనగా, తాజాగా చిత్ర బృందం సినిమా టైటిల్, ఫస్ట్ లుక్ను విడుదల చేసి అంచనాలను మరింత పెంచింది.
సందీప్ కిషన్-జాసన్ సంజయ్ కాంబినేషన్లో వస్తున్న ఈ భారీ చిత్రానికి ‘సిగ్మా’ అనే టైటిల్ను ఖరారు చేశారు. విడుదలైన ఫస్ట్ లుక్ పోస్టర్ సినిమా టోన్ను స్పష్టం చేస్తోంది. పోస్టర్లో సందీప్ కిషన్ చేతికి కట్టు కట్టుకుని, చుట్టూ బంగారం, డబ్బు కట్టలు ఉన్న నేపథ్యంతో చాలా ఇంటెన్స్, సీరియస్ లుక్లో కనిపిస్తున్నారు. ఆయన కళ్ళల్లో కనిపించే కోపం, పట్టుదల ఈ చిత్రం ఒక హై-ఒక్టేన్ యాక్షన్ డ్రామాగా ఉండబోతుందని సూచిస్తున్నాయి.
ఇప్పటివరకు పోషించిన పాత్రల కంటే భిన్నంగా, సందీప్ ఈ సినిమాలో పూర్తి స్థాయి యాక్షన్ హీరో అవతార్లో కనిపించనున్నారు. ఫ్యాన్స్ ఈ లుక్కు ఫిదా అవుతున్నారు. విశ్వసనీయ వర్గాల సమాచారం ప్రకారం, ‘సిగ్మా’ ఒక ఆసక్తికరమైన ట్రెజర్ హంట్ యాక్షన్ డ్రామాగా రూపొందుతోంది. సస్పెన్స్, థ్రిల్లింగ్ అంశాలను కలగలిపి, విజువల్స్ పరంగా చాలా గ్రాండ్గా ఈ సినిమాను తెరకెక్కిస్తున్నట్లు తెలుస్తోంది.
ఈ ప్రతిష్టాత్మక చిత్రాన్ని ప్రముఖ నిర్మాణ సంస్థ లైకా ప్రొడక్షన్స్ బ్యానర్పై సుభాస్కరన్ భారీ బడ్జెట్తో నిర్మిస్తున్నారు. జాసన్ సంజయ్, తొలి సినిమానే పాన్ ఇండియా స్థాయిలో ప్లాన్ చేసి, తన దర్శకత్వ ప్రతిభను నిరూపించుకోవడానికి సిద్ధమవుతున్నారు. పోస్టర్పై ఉన్న ట్యాగ్లైన్ “When Greed Meets Guts!” ఈ చిత్రం కథాంశంపై మరింత ఆసక్తిని పెంచుతోంది. ‘మైఖేల్’ లేదా హాలీవుడ్ ‘టెనెట్’ తరహా యాక్షన్-ఇంటెన్స్ జానర్లో తెరకెక్కుతున్న ‘సిగ్మా’, సందీప్ కెరీర్లో ఓ మైలురాయిగా నిలవబోతుందని ట్రేడ్ వర్గాలు బలంగా నమ్ముతున్నాయి. ఈ హై వోల్టేజ్ ట్రెజర్ హంట్ మూవీ 2025లో బిగ్ బ్లాస్టర్గా నిలవడం ఖాయమని సినీ వర్గాలు చెబుతున్నాయి.