PSLV-C56: గగన ప్రస్దానం ఘనంగానే సాగుతోంది. వేగం పుంజుకొని ఇస్రో పరుగులు తీస్తున్న విధం నేడు ఎందరినో విస్మయపరుస్తోంది. రోదసి విజ్ఞానాన్ని బహుళ ప్రయోజనకరంగా మలచుకోవడంలో భారత్ ప్రస్థానం స్ఫూర్తిదాయకం. ప్రపంచంలోనే అగ్రగామి అంతరిక్షరంగ సంస్థలో ఒకటిగా ఇస్రో నిలుస్తుంది. ఇస్రో వాణిజ్య విభాగం సతీష్ ధావన్ స్పేస్ సెంటర్ మొదటి రాకెట్ ప్రయోగ వేదిక నుండి ప్రయోగం జరగనుంది. ఈనెల 30న ఇస్రో శాస్త్రవేత్తలు పిఎస్ఎల్వి ..సి 56 రాకెట్ ను ప్రయోగించనున్నారు.
ఇది పూర్తిగా కమర్షియల్ లాంచ్ గా ఇస్రో చెబుతోంది. ప్రయోగం ద్వారా సింగపూర్ మరియు ఇజ్రాయిల్ దేశాలకు సంబంధించిన కమర్షియల్ రాకెట్ ప్రయోగానికి శ్రీకారం చుట్టింది. ఈ కమర్షియల్ రాకెట్ ప్రయోగంలో మొత్తం ఏడు ఉపగ్రహాలను నింగిలోకి పంపనున్న ఇస్రో శాస్త్రవేత్తలు. అప్రతిహత విజయాలకు చిరునామా ఇస్రో చేపట్టిన ప్రతి ప్రయోగాన్ని విజయ పధంలో నడిపిస్తూ దిగ్గజ దేశాల సరసన నిలుస్తోంది.
నమ్మిన బంటుగా పి.ఎస్.ఎల్.వీ వాహక నౌక:
పి.ఎస్.ఎల్.వీ వాహక నౌక విషయానికి వస్తే 1993 సెప్టెబర్ 20న తొలొసారి ప్రయోగించారు. ఎప్పటికప్పుడు ఆధునాత సాంకేతికతను అభివృద్ది చేస్తూ పి.ఎస్.ఎల్.వీ వాహక నౌకను ఇస్రో తన ఉపగ్రహ ప్రయోగాలకు వినియోగిస్తోంది. పి.ఎస్.ఎల్.వీ వాహక నౌక తో ఇప్పటి వరకు 439 ఉపగ్రహాలను విజయవంతంగా కక్ష్యలోనికి ప్రవేశపెట్టారు. 111 కు పైగా స్వదేశీ ఉపగ్రహాలు 328 విదేశీ ఉపగ్రహాలను కక్ష్యలోకి ప్రవేశపెట్టింది. ఒకే ప్రయోగంలో 104 ఉపగ్రహాలను మోసుకెళ్ళి నిర్ణీత కక్ష్యలోకి ప్రవేశపెట్టి ఇస్రో విజయాశ్వంగా నమ్మిన బంటుగా గురి తప్పని ఆశల అస్త్రంగా సేవలందిస్తోంది.
పి.యస్.ఎల్.వి C- 56..
విశ్వసనీయమైన విజయాశ్వం పి.యస్.ఎల్.వి వాహాక నౌకతో లక్ష్యాలవైపు విరామం లేకుండా పరుగు తీస్తోంది. ఈ ఆశల అస్త్రం పి.యస్.ఎల్.వి సింగపూర్, ఇస్రాయిల్ దేశాలకు చెందిన హమ్ డీఎస్ -ఎస్ ఏ ర్ అనే 351.9 కేజీలు బరువు కలిగిన భూ పరిశీలన ఉపగ్రహం ఈ ప్రయోగంలో ప్రధానమైనది.
Tourist Places : ప్రకృతిని ఆస్వాదించాలనుకుంటున్నారా.. అయితే ఇక్కడికి వెళ్ళండి..
అదేవిధంగా దీనితో పాటు 23. 58 కేజీలు బరువు ఉన్న ఆర్కేడ్ సాటిలైట్ మరియు 23 కేజీలు బరువు ఉన్న వెలాక్ -ఎ ఎమ్ సాటిలైట్ మరియు 12.8 కేజీలు బరువు ఉన్న ఆర్బు12 స్పైడర్ ఉపగ్రహాలతో పాటు మరో మూడు నానో ఉపగ్రహాలు, గెలుసియా-2 , స్కూప్-2, మరియు నులియన్ అనే నానో ఉపగ్రహాలను ఇందులో అమర్చి ఇస్రో శాస్త్రవేత్తలు పిఎస్ఎల్వి- సి 56 రాకెట్ ప్రయోగం రూపొందించిన PSLV. C 56 రాకెట్ ప్రయోగం ద్వారా విదేశీ ఉపగ్రహాలను ఎర్త్ ఆర్బిట్ లోకి పంపనున్నారు ఇస్రో శాస్త్రవేత్తలు.
